زەرگەرلەر ەڭ ۇزىن التىن القامەن گيننەسس رەكوردىن ورناتپاق
زەرگەرلەر اشەكەيدىڭ ۇزىندىعىن بەس شاقىرىم، ال سالماعىن 180 كەلىگە جەتكىزبەكشى. جوباعا قاتىسۋ ءۇشىن قالانىڭ نەگىزگى ءتورت زەرگەرلىك فيرماسى مەن اشەكەي وندىرەتىن ءىرى كومپانياسىنان تۇراتىن بىرلەستىك قۇرىلدى.
گيننەسس رەكوردىن ورناتۋعا ارنالىپ جاسالىپ جاتقان القانى زەرگەرلەر «دۋباي مەرەكەلىك شىنجىرى» دەپ اتادى. ونى 70 مامان جاساپ جاتىر. القا جەلتوقسان ايىنىڭ سوڭىندا دايىن بولادى. ول 2015 - جىلدىڭ 1 - قاڭتارى مەن 1- اقپانى اراسىندا وسىمەن جيىرماسىنشى رەت وتكەلى وتىرعان شوپپينگ- فەستيۆالدىڭ اياسىندا جاسالىپ جاتىر. Guinness World Records ۇيىمىنىڭ ماماندارى گيننەستىڭ رەكوردىن ورناتۋعا جاسالىپ جاتقان القانى ولشەگەن سوڭ، ول بىرنەشە كۇنگە جۇرت نازارىنا قويىلادى.
ايتا كەتەيىك، القانى كورسەتىلىمگە قويۋ ءۇشىن ۇزىندىعى 200 مەترگە جەتەتىن ارنايى ديسپلەي جاسالىپ جاتىر. جوبا اۆتورلارى جاسالىپ جاتقان القانى بولشەكتەپ ساتۋعا قويعان. ونى ساتىپ العىسى كەلگەن ادام الدىن الا تولەمىن جاساۋى قاجەت. القانىڭ بولشەگى تاپسىرىس بەرۋشىلەرگە 10 - قاڭتارعا دەيىن جەتكىزىپ بەرىلەدى.
