ي. كاريموۆ: سىرداريا مەن ءامۋدارياعا گيدروتەحنيكالىق قۇرىلىستار سالۋ وزەننىڭ تومەنگى ساعاسىنداعى ەلدەرمەن كەلىسىلۋى ءتيىس
بۇل تۋرالى بۇگىن اقوردادا ەلباسى نۇرسۇلتان نازاربايەۆپەن كەڭەيتىلگەن قۇرامداعى كەلىسسوزدەردەن كەيىن وزبەكستان پرەزيدەنتى يسلام كاريموۆ ءمالىم ەتتى.
«بۇگىن ءبىز سىرداريا مەن ءامۋداريا وزەندەرىنىڭ باستاۋ الار تۇسىنا جاڭا گيدروتەحنيكالىق قۇرىلىستار سالۋعا قاتىستى ورتاق ۇستانىمىزدى قۋاتتادىق. ول ب ۇ ۇ- نىڭ حالىقارالىق قۇقىقتارى مەن نورمالارىنىڭ جالپى تانىلعان نورمالارىنا سايكەس جۇزەگە اسىرىلۋى ءتيىس. بۇعان قوسا، اتالعان وزەندەردىڭ تومەنگى ساعاسىندا قونىستانعان بارلىق ەلدەرمەن مىندەتتى تۇردە كەلىسىلۋى قاجەت»، - دەدى ي. كاريموۆ.
سونىمەن قاتار ول قازاقستان تاراپىنىڭ وزبەكستاننىڭ ارالدى قۇتقارۋ حالىقارالىق قورىنا ءتوراعالىعىنا قولداۋ بىلدىرگەنى ءۇشىن العىسىن ءبىلدىرىپ «ارال تەڭىزى باسسەيىندەگى ەلدەرگە كومەك كورسەتۋ باعدارلاماسىنىڭ» ءۇشىنشى فازاسى اياسىندا بىرلەسكەن كۇش- جىگەر جۇمساۋعا دايىن ەكەندىگىن باسا ايتتى.
اۆتور: مارلان جيەمباي
