سولتۇستىك قازاقستاندا بالىقشىلار مىنگەن كولىك سۋ قويماسىنا باتىپ كەتتى - فوتو

پەتروپاۆل. قازاقپارات - سولتۇستىك قازاقستانداعى سەرگەيەۆ سۋ قويماسىندا ىشىندە بالىقشىلار وتىرعان «نيۆا» كولىگى مۇزدىڭ استىنا باتىپ كەتكەن. بۇل تۋرالى وبلىستىق ت ج د- ءنىڭ باسپا ءسوز قىزمەتىنەن حابارلادى.

 «اعىمداعى جىلدىڭ 23 - قاراشاسىندا ساعات 17 لەر شاماسىندا شال اقىن اۋدانىنداعى سەرگەيەۆ قالاسىنان 10 شاقىرىم جەردەگى سەرگەيەۆ سۋ قويماسىندا «ۆاز-21213 نيۆا» ماركالى جەڭىل كولىك مۇزدىڭ استىنا باتىپ كەتتى»، - دەلىنگەن حابارلامادا.

 28 جاستاعى جۇرگىزۋشى مەن ونىڭ قاسىنداعى ءۇش ازامات بالىق اۋلاۋعا شىققان. ولار سۋ قويماسىنا تاڭعى ساعات 8 دەر شاماسىندا كەلىپ، جاعادان 30 مەتر جەرگە توقتاعان. شامامەن كۇندىزگى ساعات 17 دە ەر ادامدار كولىككە وتىرىپ، قوزعالعان، سول كەزدە جۇرگىزۋشى مۇزدىڭ بەتىندە پايدا بولعان جارىقشاقتى بايقاعان. كولىكتىڭ الدىڭعى بولىگى قالىڭدىعى 20 س م بولعان مۇزدىڭ استىنا باتا باستاعان. سۋدىڭ تەرەڭدىگى شامامەن 1,5 مەتر بولعان.

 كولىك يەسى مەن جولاۋشىلار «نيۆانىڭ» ءبۇيىر ەسىكتەرى مۇز قۇرساۋىنىڭ استىندا قالعاندىقتان، ارتقى ەسىكتەن شىعىپ ۇلگەرگەن.

 بولعان وقيعا تۋرالى حابارلاما جەتكەن شال اقىن اۋداندىق ت ج ءبولىمىنىڭ قىزمەتكەرلەرى ءتورت بالىقشىنى قاۋىپسىز جەرگە جەتكىزدى. ولار اۋرۋحاناعا قارالۋدان باس تارتتى.

24 - قاراشادا سەرگەيەۆ سۋ قويماسىندا جەڭىل كولىكتى سۋدان الىپ شىعۋ بويىنشا اپاتتى- قۇتقارۋ جۇمىستارى باستالدى. 20 دان استام ادامنىڭ كۇش سالۋىمەن «نيۆا» سۋدىڭ استىنان ەسىل وزەنىنىڭ جاعاسىنا شىعارىلدى.