12:57, 25 - قاراشا 2014 | GMT +5
قازاق سۋرەتشىسى جۇلدەگەر اتاندى
استانا. قازاقپارات - 21 قاراشا كۇنى «قازان - تۇركى الەمىنىڭ مادەني استاناسى 2014» جىلىنىڭ جابىلۋىنا ارنالعان سالتاناتتى شارالاردىڭ شەڭبەرىندە قازاقستان سۋرەتشىلەر وداعىنىڭ مۇشەسى قايىرباي زاكيروۆ تۇركسوي سىيلىعىمەن ماراپاتتالدى.
بىلتىر «ەسكيشەھير - تۇركى الەمىنىڭ مادەني استاناسى 2013» جىلىنىڭ اياسىندا تۇركيانىڭ ەسكيشەھير قالاسىندا وتكەن تۇركسوي حالىقارالىق ۇيىمىنىڭ XVI سۋرەتشىلەر كورمەسىندە ق. زاكيروۆتىڭ «قورقىت اتا» سۋرەتى جۇلدەگەر بولىپ اتانعان. كورمەگە تۇركى الەمىنىڭ 18 ەلىنەن 20 دان استام سۋرەتشىلەردىڭ شىعارمالارى قاتىستىرىلدى.
سىيلىقتى تاتارستان رەسپۋبليكاسىنىڭ مادەنيەت ءمينيسترى ايرات سيباگاتۋللين تابىس ەتتى.
«الاش ايناسى»
