12:12, 25 - قاراشا 2014 | GMT +6
ب. وباما: مەريل ستريپتى سۇيەتىنىمدى ميشەل دە، ونىڭ جارى دا بىلەدى
استانا. قازاقپارات - اق ۇيدە ەركىندىك مەدالىن سالتاناتتى تۇردە تابىس ەتۋ كەزىندە ب. وباما اكتريسا مەريل ستريپتىڭ ونەرىنە تابىناتىنىن ايتتى، دەپ حابارلادى ر ي ا نوۆوستي.
پرەزيدەنت تابىس ەتەتىن ەركىندىك مەدالىن ا ق ش باسشىسى ءوزى تاعايىندايدى جانە ول كونگرەسس مەدالىمەن قاتار قوعامدىق ايتۋلى ناگرادا بولىپ ەسەپتەلەدى. بۇل قۇرمەت بەلگىسى «ا ق ش-تىڭ ۇلتتىق مۇددەسى مەن قاۋىپسىزدىگىن قامتاماسىز ەتۋگە قوسقان ۇلەسى، الەمدەگى بەيبىتشىلىكتى ساقتاۋعا نەمەسە وزگە قوعامدىق جانە مادەني جەتىستىكتەرى ءۇشىن» بەرىلەدى.
بيىلعى 19 لاۋرەاتتىڭ قاتارىنا ءۇش مارتە «وسكار» سىيلىعىنا قول جەتكىزگەن مەريل ستريپ كىردى. وباما ونى ەڭ ونەرلى اكتريسالاردىڭ ءبىرى دەپ اتادى.
«مەن ونى سۇيەمىن، ونەرىنە تابىنامىن. بۇل تۋرالى ونىڭ جارى جانە ميشەل بىلەدى»، - دەدى ا ق ش پرەزيدەنتى.
