گەننادي گولوۆكين مەن قانات يسلامدى شاعىستىرۋ كىمگە ءتيىمدى؟
ءبىرقاتار سپورتشىلار مەن ساراپشىلار ءوز ويلارىن ورتاعا سالىپ، گولوۆكين - يسلام جەكپە- جەگىن وتكىزۋ مۇمكىندىگىن تالقىلاۋعا كوشتى. الايدا حالىقارالىق دارەجەدە قازاقستاننىڭ نامىسىن قورعاپ، ابىرويىن كوتەرىپ جۇرگەن ەكى بوكسشىنىڭ ءبىر- بىرىنە قارسى شىققانى ورىندى ما؟
ءيا، لوپەس مىرزا: «قانات يسلام - اسا مىقتى بوكسشى. بولاشاقتا ول گەننادي گولوۆكينگە ءبىراز قيىنشىلىق كورسەتۋى مۇمكىن. مەن بىلاي ايتار ەدىم: «GGG، دايىندال، ءبىز كەلە جاتىرمىز!» ، - دەپ مالدىمدەمە جاساعاندا، قاناتتىڭ سول جەكپە- جەكتى قالايتىنىن جەتكىزگەن بولاتىن. الايدا ءبىز ونى يسلامنىڭ ءوز اۋزىنان ەستىگەن جوقپىز. دەمەك، ازىرشە بۇنى «PR اكتسيا» دەۋگە ابدەن بولادى. «ءبىز بۇل جەكپە- جەككە چەمپيون رەتىندە جەتۋىمىز كەرەك» ، - دەيدى لوپەس. بۇگىندە قانات يسلامنىڭ قورجىنىندا ءبىر تيتۋل بار. ول - WBA Fedecaride دارەجەسى بويىنشا ءبىرىنشى ورتا سالماقتاعى چەمپيون.
ال گەننادي گولوۆكيننىڭ قورجىنىندا ءۇش بىردەي دارەجەنىڭ بەلبەۋى بار. ولار - WBA (Super) ، IBO, WBC (Interim. ونىڭ رەيتينگىسى جوعارى. وعان قوسا، كەز كەلگەن جەكپە- جەكتىڭ قارجىلاي جاعى دا ەسكەرىلۋى شارت. ماسەلەن، گولوۆكيننىڭ НВО سياقتى تەلەارنالارمەن كەلىسىمگە وتىرىپ، ءتيىستى مىندەتتەمەلەردى الدى. «اتالعان تەلەارنا بۇل جەكپە- جەكتى كورسەتپەيدى. سەبەبى ودان كوپ اقشا تۇسپەيدى. سول سەبەپتى گولوۆيننىڭ كومانداسى وعان مەكسيكاندىق نەمەسە امەريكاندىق قارسىلاستارىن ىزدەيدى. وسىنىڭ ناتيجەسىندە الەم بويىنشا تىكەلەي ەفير كورەتىن جانكۇيەرلەر كوبەيەدى. وسىلايشا، شوۋ- يندۋسترياسى قالىپتاسادى» ، - دەيدى قازاقستاننىڭ كاسىبي بوكس فەدەراتسياسىنىڭ باسشىسى ۆيكتور دەميانەنكو. دەگەنمەن، ول گولوۆكين - يسلام جەكپە- جەگىن كورسەم دەگەن نيەتىن دە جاسىرمايدى.
وليمپيادا چەمپيونى ەرماحان ىبىرايىموۆ تا تىس قالمادى. ونىڭ ويىنشا، گولوۆكيننىڭ تاجىريبەسى مول. سونىڭ ارقاسىندا ول يسلامدى جەڭىپ شىعادى. «ءبىراق ءبىر جاعىنان مەن ونداي جەكپە- جەكتى وتكىزۋگە قارسىمىن. سەبەبى ەكەۋى دە قازاقستاننىڭ نامىسىن قورعاپ ءجۇر. ولاردىڭ سالماق دارەجەسى دە ەكى ءتۇرلى. مەنىڭشە، ەكەۋىنىڭ قاتار ءجۇرىپ، چەمپيوندىق اتاقتارعا جەتكەنى دۇرىس. ولاردى شاعىستىرۋدىڭ قاجەتى جوق» ، - دەيدى ىبىرايىموۆ.
شىنىمەن دە، حالىقارالىق دارەجەدە قازاقستاننىڭ نامىسىن قورعاپ جۇرگەن ەكى بوكسشىنى شاعىستىرۋدان پايدا تاپپايمىز. ولاردىڭ ەكى بولەك بوكستاسىپ، ەلىمىزدىڭ ابىرويىن اسقاقتاتقانى دۇرىس. قازاقستاندىق جانكۇيەرلەر دە ەكى توپقا بولىنگىسى كەلمەيدى. ال ولاردىڭ بارلىق جازبالارى: «قانات العا! بارشا قازاقستان سەن ءۇشىن جانكۇيەر بولۋدا. ءبىز ساعان تەك جارقىن جەڭىستەردى عانا تىلەيمىز. 3-4 -جىلدان كەيىن گەننادي بارلىق قارسىلاسىن جەڭەدى. ول ۋاقىتقا دەيىن قانات تا سۋپەرچەمپيون دارەجەسىنە جەتەدى. سول كەزدە ەكەۋىنىڭ جەكپە- جەگىن وتكىزۋگە بولادى. بۇل كەزدەسۋ عاسىردىڭ ەڭ ۇزدىك جەكپە- جەگى بولىپ، تەڭ اياقتالسىن!» ، - دەگەنگە سايادى.
اۆتور: ارمان اسقار
«الاش ايناسى»
