كەيۋانا ۇلىنىڭ ءولىمى ءۇشىن كەك قايتاردى

استانا. قازاقپارات - اۋعانستاندا رەزا گۋل ەسىمدى ايەل 25 ءتالىپتى اتىپ تاستادى. تاعى 5 لاڭكەس جاراقات العان. وسىلايشا ول ۇلىنىڭ ءولىمى ءۇشىن كەك قايتارعان. ەرجۇرەك كەيۋانانىڭ بالاسى پوليتسيا قاتارىندا قىزمەت ەتكەن جانە ونى سودىرلار تەكسەرىپ-وتكىزۋ بەكەتتەرىنىڭ بىرىندە شەشەسىنىڭ كوزىنشە ولتىرگەن.

قايعىلى وقيعا وسى ەلدىڭ باتىسىنداعى فاراح پروۆينتسياسىندا بولعان. ۇلى ولگەن سوڭ ايەل قىزى مەن كەلىنىمەن بىرگە بەكەتتە قالعان قارۋ-جاراقتى جيناپ، تالىپتەرمەن 7 ساعات بويى اتىسقان. تالىپتەر بۇل قىرعىن جايلى ازىرگە ەشقانداي تۇسىنىكتەمە بەرگەن جوق.

اۋعانستاننىڭ ىشكى ىستەر مينيسترلىگىنىڭ وكىلى سەديك سەديككيدىڭ مالىمدەۋىنشە، ايەلدەردىڭ قارۋلى قوزعالىسى «تاليبان» قوزعالىسىنا قارسى توڭكەرىس پەن حالىق كوتەرىلىسىنىڭ سيمۆولىنا اينالعان.

رەزا گۋل، فاراح پروۆينتسياسىنىڭ تۇرعىنى: - ساعات 5:00 شاماسىندا ۇلىم قىزمەت ەتەتىن بەكەتكە «تاليبان» شابۋىل جاسادى. اتىس كۇشەيگەن كەزدە جانىمدى قويارعا جەر تاپپاي، قولىما قارۋ الدىم دا وق جاۋدىرا باستادىم.