11:47, 25 - قاراشا 2014 | GMT +6
شەكارادان ەكى ەلىكتىڭ ەتىن زاڭسىز الىپ وتپەك بولعاندار ۇستالدى
استانا. قازاقپارات - قازاق-رەسەي شەكاراسى ارقىلى ەلىكتىڭ ەتىن زاڭسىز الىپ وتپەك بولعاندار ۇستالدى، دەپ حابارلادى ق ر ۇ ق ك ش ق باسپا ءسوز قىزمەتىنەن.
قوستاناي شەكارا وتريادىنا قاراستى «قايراق اۆتو» باقىلاۋ-وتكىزۋ بەكەتىنىڭ ناريادى ەكى ەلىكتىڭ ەتىن زاڭسىز اكەتىپ بارا جاتقان رەسەي فەدەراتسياسىنىڭ ەكى ازاماتىن ۇستادى. ولجالارىن تارازىعا تارتىپ جىبەرگەندە 50 كەلىگە جەتىپ جىعىلدى.
ەلىكتىڭ ەتىنە ەلىككەندەر استارىنا جول تاڭدامايتىن «ۋاز» كولىگىن ءمىنىپ الىپ، سولتۇستىكتەگى كورشى ەلگە جول تارتىپ بارادى ەكەن.
اتالعان دەرەك بويىنشا قۇقىق قورعاۋ ورگاندارى حابارلاندىرىلىپ، تەرگەۋ امالدارى باستالدى.
