العاشقى قازاق-تۇرىك ليتسەيىنىڭ قۇرىلىسى تۋرالى فيلم تۇركيا پروكاتىندا كوش باستاپ كەلەدى - كەسكىن

استانا. قازاقپارات - العاشقى قازاق-تۇرىك ليتسەيىنىڭ قۇرىلىسى تۋرالى «قوسىلعان جۇرەكتەر» («وبەدينەننىە سەردتسا») فيلمى تۇركيا پروكاتىندا كوش باستاپ كەلەدى.

تۋىندى 90- جىلدارى قازاقستانعا قونىس اۋدارعان تۇرىك جانۇياسى جايلى جانە ولاردىڭ سول كەزەڭدەردە باستان كەشكەن قيىندىقتارى كورسەتىلگەن. دەگەنمەن ەڭ باستى اۋىرتپالىق - وتانىنا دەگەن ساعىنىش. تاعدىردىڭ تالكەگىنە قاراماستان، ولار قازاق جەرىندە كوپتەگەن جاقسى ادامداردىڭ كومەگىن كورىپ، قولداۋ تابادى. تۇرىكتىڭ وتباسى يەسى قارت ايەلمەن تانىسادى. ول 40- جىلدارى سولتۇستىك كاۆكازدان باستالاتىن ءوز جانۇياسىنىڭ ءومىرىن باياندايدى.

«فيلم ءبىر ايدان استام ۋاقىت كورسەتىلۋدە، ءبىراق ول ءالى كۇنگە دەيىن تولى زال جيناپ كەلەدى»، - دەيدى ىستامبۇل ۋنيۆەرسيتەتىنىڭ حالىقارالىق قۇقىق فاكۋلتەتىندە وقيتىن قازاق ستۋدەنتى سانجار تۇرسىنوۆ.

«قازىرگى ۋاقىتتا اتالمىش كينو تۇرىك پروكاتىنىڭ كوش باسىندا تۇر. كورەرمەندەر زالدان جىلاپ شىعادى. ءومىردىڭ تالكەگىنە تۇسكەن ادامداردىڭ شىنايى وقيعاسى. بارلىعى اقشامەن باعالانبايدى، ادامدىق قاسيەت ءبىرىنشى ورىندا بولعان، قاي ۋاقىتتا دا. قازاقستاندا قازاق-تۇرىك ليتسەيىن بىتىرگەندەر نەمەسە وقىپ جاتقاندار سانى وتە كوپ، مەنىڭشە، ولارعا ليتسەيدىڭ قالاي سالىنعانى قىزىقتى بولادى»، - دەيدى ول.

اۆتور: جاسۇلان جولدىبايەۆ