قارلى بوراندا اداسىپ كەتكەن باقتاشىلاردىڭ ءبىرى تابىلدى، ەكىنشىسى ىزدەستىرىلۋدە

وسكەمەن. قازاقپارات - شىعىس قازاقستان وبىلىسىنىڭ اياگوز اۋدانىندا قۇتقارۋشىلار بوراندا اداسىپ كەتكەن باقتاشىلاردىڭ ءبىرىن تاپتى، ەكىنشىسىن ىزدەۋ جۇمىستارى جالعاسۋدا.

53 جاستاعى ەر ادام مەن ونىڭ قاسىنداعى جولداسى ءبىر وتار قويمەن اياق استىنان سوققان بوراندا اداسىپ قالعان. بۇرقاسىن سالدارىنان ەشتەڭە كورە الماعان مالشىلار ۇيگە ورالاتىن جولدى تابا الماعان.

24 - قاراشانىڭ كەشىندە اياگوز اۋدانى اكىمى اپپاراتىنىڭ باسشىسىنان مالشىلاردى ىزدەۋگە كومەك كورسەتۋ تۋرالى حات كەلىپ تۇسكەن سوڭ، بۇگىن جەرگىلىكتى ۋاقىت بويىنشا ساعات 14:20-دا اياگوز اۋداندىق ت ج ءبولىمىنىڭ قىزمەتكەرلەرى ءبىر ەر ادامدى تاپتى.

ولاردىڭ ايتۋىنشا، باقتاشى ءدىن امان جانە مەديتسينالىق كومەكتى قاجەت ەتپەيدى. ەكىنشى ەر ادامدى ىزدەۋ جۇمىستارى جالعاسۋدا.