اكىمدەردىڭ جۇمىسى جولداۋدى ىسكە اسىرۋ ناتيجەسىمەن باعالانادى - د. احمەتوۆ

وسكەمەن. قازاقپارات - وسكەمەن مەن سەمەي اكىمدەرىنە ءوڭىر باسشىسى دانيال احمەتوۆ يندۋستريالدىق ايماقتاردى قۋاتتى وندىرىستەرمەن تولىقتىرۋدى تاپسىردى.

ءوزىنىڭ كوپشىلىك الدىندا سويلەگەن سوزىندە شىعىس قازاقستان اكىمى دانيال احمەتوۆ مەملەكەت باسشىسىنىڭ جاڭا جولداۋىندا ايتىلعان مىندەتتەردى اتاپ، اتقارۋشى بيلىكتىڭ الداعى كەزەڭدە اتقاراتىن جۇمىستارىن ناقتى ايقىندادى.

«نۇرلى جول» باعدارلاماسىنىڭ جەتى باسىم باعىتتارى بويىنشا د. احمەتوۆ ءار ۆەدومستۆو، قالا، اۋدانداردىڭ جۇمىس جوسپارىن ەگجەي-تەگجەيلى بايانداپ بەردى. ءۇش ايلىق مەرزىمدە سالالاردىڭ قازىرگى جاعدايىن تالداۋدى، ەكونوميكا، الەۋمەتتىك، كولىك، يندۋستريالدىق، ەنەرگەتيكالىق، تۇرعىن ءۇي، الەۋمەتتىك ينفراقۇرىلىم، ت ك ش سالالارى، شوب جانە ىسكەرلىك بەلسەندىلىكتى قولداۋ بويىنشا تولىق اقپاراتتىق قور دايىنداۋدى تاپسىردى. تالدامالىق بازا دايىنداۋ جاعدايدى تۇزەتۋگە كومەك بولادى، دەدى ءوڭىر باسشىسى.

ق ر پرەزيدەنتىنىڭ جولداۋىن ىلگەرلەتۋ بويىنشا جۇيەلى اقپاراتتىق جۇمىستاردى ۇيىمداستىرۋ ءۇشىن قۇجاتتى ءتۇسىندىرۋ شارالارىنىڭ جوسپارى بەكىتىلدى، اقپاراتتىق توپ قۇرىلدى.

«نۇرلى جول» جاڭا ەكونوميكالىق ساياساتى تاياۋ جىلدارداعى ەل ەكونوميكاسى ءوسىمىنىڭ قوزعاۋشى كۇشى بولادى»، - دەپ اتاپ ءوتتى د. احمەتوۆ.

اۋدان اكىمدەرىمەن يندۋستريالىق دامىتۋ تۋرالى اڭگىمەلەسكەن كەزدە د. احمەتوۆ ولاردىڭ نەگە سونشالىقتى بەيتاراپ ەكەندەرىن سۇرادى.

«ايماقتاعى بارلىق يندۋستريالىق- يننوۆاتسيالىق جوبالاردى ءىرى كاسىپورىندار ىسكە اسىرۋدا. ال اكىمدەر نەمەن اينالىسادى؟ سىزدەر ورىنداردا شاعىن بيزنەستى دامىتۋ، تۇرعىنداردىڭ جۇمىسپەن قامتىلۋىنا جاۋاپ بەرەسىزدەر عوي. بۇعان سىرتتان باقىلاپ تۇرماي، كەڭەس بەرۋ كەرەك، ادامدارعا تۇسىنىكسىز جايتتاردى: نەنى، قالاي اشۋ كەرەكتىگىن، مەملەكەتتىك قولداۋدىڭ قانداي قۇرالدارىن پايدالانۋ كەرەكتىگىن ايتۋ قاجەت. پرەزيدەنت سىزدەرگە مەملەكەتتىك باعدارلامالاردى ىسكە اسىرۋدى تاپسىردى. شارۋالاردىڭ نەگە سۋبسيديالاۋعا بارمايتىندارىن تالداپ كورىڭىزدەرشى؟ شەبەرلىك جوسپارىن نەمەسە بيزنەس جوسپارىن جاساپ، ولارعا ۇسىنىپ كورىڭىز، نە جانە نەلىكتەن ەكەنىن تۇسىنۋىنە كومەكتەسىپ، ارنايى كۋرستاردى ۇيىمداستىرىڭىز. پرەزيدەنت مىندەت قويدى، ونى ورىنداۋعا كىرىسىڭىزدەر. سىزدەردىڭ جۇمىستارىڭىزدى جولداۋدىڭ ورىندالۋى بويىنشا باعالايمىز. اگروبيزنەسكە قاتىستىنىڭ بارلىعىنا ۇلكەن سۇرانىس بولادى»، - دەدى د. احمەتوۆ.