استانا قالاسىنىڭ اكىمى جولاۋشىلار اۆتوبۋسى مەن «كاماز» كولىگىنىڭ سوقتىعىسۋىن «سوراقىلىق» دەپ اتادى

استانا. قازاقپارات - ەلوردادا بيىل جول-كولىك وقيعالارى مەن تەحنيكالىق بۇزىلىستار سانىنىڭ ارتۋى بايقالادى. بيىل قازان ايىندا وتكەن جىلدىڭ سايكەس مەرزىمىمەن سالىستىرعاندا ج ك و سانى 83 كە وسكەن. بۇل تۋرالى بۇگىن استانا قالاسى اكىمى ادىلبەك جاقسىبەكوۆتىڭ توراعالىعىمەن وتكەن كەزەكتى اپپاراتتىق كەڭەستە قالا باسشىسى ايتتى، دەپ حابارلايدى ەلوردا اكىمدىگىنىڭ باسپا ءسوز قىزمەتىنەن.

«سەنبى كۇنى، 22- قاراشادا 43№ باعىتتاعى اۆتوبۋس پەن «كاماز» ماركالى كولىگى سوقتىعىسقان. وقيعا سالدارىنان 22 ادام مەديتسينالىق كومەككە جۇگىنسە، 7 ادام اۋرۋحاناعا جاتقىزىلدى. ءبىر اپتادا قوعامدىق كولىكتىڭ قاتىسۋىمەن ەكى ج ك و ورىن الدى، بۇل بارىپ تۇرعان سوراقىلىق. قالالىق پروكۋرورعا، ءى ءى د باستىعىنا ءىستىڭ ءمان-جايىن انىقتاپ، وسىنداي جاعدايلارعا بۇدان بىلاي جول بەرمەۋ ءۇشىن ناقتى شارالار قابىلداۋدى تاپسىرامىن»، - دەدى ءا. جاقسىبەكوۆ.

وتكەن اپتادا قالا تۇرعىندارىنىڭ ءوتىنىش-تىلەكتەرىنىڭ باسىم بولىگى قوعامدىق كولىك جۇمىسىنداعى اقاۋلارعا قاتىستى بولدى. اۆتوبۋستاردىڭ قوزعالىس ۋاقىتى ارالىعىنىڭ ۇلعايۋى، ولاردىڭ لىق تولى بولاتىنى ايتىلعان. قالا باسشىسى ادامدار كوپ جۇرەتىن جەلىلەرگە جاڭا 36 اۆتوبۋس شىعارۋدى تاپسىردى.