برازيليادا وتەتىن وليمپيادانىڭ باستى ءرامىزى تانىستىرىلدى
وليمپيادانىڭ باستى ءرامىزى جەرگىلىكتى حايۋاناتتار الەمى (فاۋنا) مەن وسىمدىكتەر دۇنيەسى (فلورا) نەگىزىندە ويلاستىرىلىپ، قۇرالعان. حايۋاناتتار دۇنيەسى نەگىزىندە الىنعان بەلگى مىسىققا ۇقساس اڭ تۇرىندە كەلسە، وسىمدىكتەر الەمى نەگىزىندەگى بەلگى جاپىراق جايىپ تۇرعان اعاشتى ەلەستەتەدى.
وليمپيادانىڭ باستى ءرامىزىنىڭ ازىرگە اتى تاڭدالعان جوق. الداعى ۋاقىتتا برازيليا حالقى عالامتور ارقىلى داۋىس بەرەتىن بولادى. داۋىسقا ءۇش نۇسقا ۇسىنىلىپ وتىر. ولار: وبا مەن ەبا، تيبا-تۋكي جانە ەسكينديم، ۆينيسيۋس پەن توم. سوڭعى نۇسقا ايگىلى برازيليالىق تانىمال مۋزىكانت جانە كومپوزيتور ۆينيسيۋس مورايس پەن توم جوبي قۇرمەتىنە ارنالعان.
ەستەرىڭىزگە سالا كەتسەك، ريو-دە-جانەيرو 2016-جىلعى وليمپيادا ويىندارىن وتكىزۋ قۇقىعىن 2009-جىلى يەلەنگەن بولاتىن. تورتكۇل دۇنيە كوز تىگەر دودا 2016-جىلدىڭ 5-21-تامىز ارالىعىندا وتەدى. برازيليالىق قالامەن قوسا بۇل قۇقىقتى يەلەنۋگە مادريد، توكيو جانە چيكاگو قالالارى دا تالاسقان-دى.
massaget.kz
