اي-اي جانۋارىن بىلەسىز بە - فوتو
ماداگاسكار لەمۋرى - مالاگاسي تۋريستەرىنە كۇلكىلى كورىنگەنىمەن، جەرگىلىكتى تۇرعىنداردىڭ شىرقىن بۇزاتىن جانۋار. ماداگاسكار ارالىنىڭ كونە تۇرعىندارى اتالعان جانۋاردى «ادام ءولىمىن بولجاۋشى» دەپ بىلگەن. ونىڭ ءبىر ساۋساعى باسقالارىنا قاراعاندا ءبىرشاما ۇزىنداۋ كەلەدى. اي-اي ۇزىن ساۋساعىنىڭ كومەگىمەن اعاشتىڭ بوس قۋىستارىنان ازىعىن تاۋىپ جەيدى.
مايمىل تەكتەس جانۋارلاردى زەرتتەۋمەن اينالىسقان فرانسۋز زەرتتەۋشىسى پەر سوننەر اتالعان لەمۋردىڭ ءتۇرىن 1780-جىلى ماداگاسكاردىڭ باتىس بولىگىندە انىقتاعان بولاتىن. ءبىر قىزىعى عالىمدار ورىنسىز ورنالاسقان تىستەرىنە قاراپ اتىن «اي-اي» دەپ قويىپتى. پەر سوننەر باسىندا اي-ايدى كومىرگىشتەر توبىنا جاتقىزادى. كەيىننەن تولىق زەرتتەۋ ناتيجەسى ونى لەمۋردىڭ ءبىر ءتۇرى دەپ تاپتى.
ونىڭ بويى تىك، ۇزىندىعى 44 سانتيمەترگە دەيىن بولادى. كەمىرگىشتەر سەكىلدى تەرىمەن قاپتالعان، ۇزىن قۇيرىعى 60 سانتيمەتردەن اسادى ەكەن.
