دانيال احمەتوۆ «نۇر وتان» پارتياسىنىڭ ش ق و-داعى فيليالىنىڭ ءتوراعاسى بولىپ سايلاندى
ەسەپتىك- سايلاۋ كونفەرەنتسياسىنا 500 دەن اسا پارتيا وكىلى قاتىستى. ولاردىڭ قاتارىندا وبلىستىق پارتيا فيليالىنىڭ ساياسي كەڭەسى مۇشەلەرى، باستاۋىش پارتيا ۇيىمدارىنىڭ وكىلدەرى، ءماسليحاتتارداعى دەپۋتاتتىق فراكتسيالار باسشىلارى، پارتيالىق سايلاۋالدى تۇعىرنامانىڭ كۋراتورلارى، «جاس وتان» جاستار قاناتىنىڭ مۇشەلەرى بار.
ءوز سوزىندە ب. بايبەك مەملەكەت باسشىسىنىڭ «نۇرلى جول - بولاشاققا باستار جول» اتتى جولداۋىنا سايكەس «نۇر وتان» پارتياسى جۇمىسىنىڭ ءبىر باعىتى - بارلىق دەڭگەيدەگى بيۋدجەت قاراجاتىنىڭ جۇمسالۋى مەن قولعا الىنعان جوبالار ساپاسىن باقىلاۋ بولاتىنىن اتاپ ءوتتى.
«پارتيا قازىردىڭ وزىندە اتالمىش باعىتتاعى جۇمىسقا بەلسەنە كىرىسۋگە ءتيىس»، - دەدى ول.
كونفەرەنتسيا بارىسىندا دانيال احمەتوۆ «نۇر وتان» پارتياسىنىڭ ش ق و- داعى فيليالىنىڭ ءتوراعاسى بولىپ سايلاندى. د. احمەتوۆ ءوز سوزىندە جولداۋ اياسىندا ش ق و ءۇشىن ترانسپورتتىق ينفراقۇرىلىمدى، تۇرعىن-ءۇي كوممۋنالدىق سالاسىن دامىتۋ، جالعا بەرىلەتىن ۇيلەردىڭ قولجەتىمدىلىگى، شاعىن جانە ورتا بيزنەستىڭ ىسكەرلىك بەلسەندىلىگىن ارتتىرۋ، جاعىمدى ينۆەستيتسيالىق ورتا قالىپتاستىرۋ، اۋىل شارۋشالىعىن مامانداندىرۋ سىندى ماسەلەلەردىڭ وتە وزەكتى ەكەندىگىن ايرىقشا اتادى. سونىمەن قاتار، جاڭا اكىم، بۇگىندە وبلىستا «نۇرلى جول» جاڭا ەكونوميكالىق ساياساتىنىڭ باستى باعىتتارىن تالقىلاۋ بويىنشا كەزدەسۋلەردىڭ وتكىزىلىپ جاتقانىن حابارلادى.
«نۇر وتان» پارتياسىنىڭ ش ق و فيليالى ءتوراعاسىنىڭ ءبىرىنشى ورىنباسارى ءتۇسىپحان تۇسىپبەكوۆ 2014-جىلى اتقارىلعان جۇمىستاردىڭ قورىتىندىسى بويىنشا بايانداما جاسادى. ايتالىق، وبلىستا پارتيانىڭ 20 اۋماقتىق فيليالى جانە 368 باستاۋشى پارتيا ۇيىمى قىزمەت اتقارۋدا. ولار 56 مىڭ نۇروتاندىقتىڭ باسىن قوسىپ وتىر. 2014-جىلدىڭ قاراشاسىنداعى مالىمەت بويىنشا پارتيالىقتاردىڭ 50 مىڭى جاڭا ۇلگىدەگى پارتيالىق بيلەتتەردى الىپ ۇلگەردى.
كونفەرەنتسيا بارىسىندا ش ق و-داعى پارتيا فيليالىنىڭ ساياسي كەڭەستىڭ جاڭا قۇرامى سايلاندى. جاڭارعان قۇرامدا ۇ ە ۇ وكىلدەرى 2 ەسە كوبەيىپ، ونداعى مەملەكەتتىك قىزمەتكەرلەردىڭ سانى %25 عا ازايدى.
سونىمەن قاتار پارتيالىقتار «نۇر وتاننىڭ» ساياسي كەڭەسىندە قابىلدانعان 2015-2025-جىلدارعا ارنالعان سىبايلاس جەمقورلىققا قارىس ءىس-قيمىل باعدارلاماسىنىڭ ىسكە اسىرىلۋىن تالقىلادى جانە پارتيانىڭ سوڭعى 2,5 جىلداعى وبلىستاعى سايلاۋالدى تۇعىرناماسىنىڭ ىسكە اسىرىلۋ ناتيجەلەرى قورىتىندىلاندى. مىسالى، جەمقورلىققا قارسى ءىس-قيمىل لينياسى بويىنشا 20 قوعامدىق كەڭەس قۇرامىندا ءبىرىڭعاي جەمقورلىققا قارسى ارنايى قۇرىلىم قۇرىلىپ، اعىمداعى ۋاقىتتا ويداعىداي جۇمىس اتقارۋدا.
جيىن سوڭىندا ب. بايبەك «پارتيانىڭ 50 تۇلعاسى» جوباسىنىڭ وڭىرلىك قاتىسۋشىلارىمەن كەزدەستى. ونىڭ قۇرامىندا پارتيا ساياسي كەڭەسىنىڭ مۇشەلەرى، پارتيانىڭ سايلاۋالدى تۇعىرناماسىنىڭ باعىتتارى بوينىشا كۋراتورلار، پارتيالىق توپتاردىڭ جەتەكشىلەرى، وبلىستىق جانە قالالىق ءماسليحاتتاردىڭ دەپۋتاتتارى، ءبىلىم بەرۋ مەكەمەلەرىنىڭ، كاسىپورىنداردىڭ باسشىلارى، جاس بەلسەندىلەر، ينجەنەرلەر، سونداي-اق، دارىگەرلەر مەن مۇعالىمدەر بار. كەزدەسۋ بارىسىندا قاتىسۋشىلار ەلباسىنىڭ جاڭا جولداۋىن تالقىلاپ، «نۇرلى جول» جاڭا ەكونوميكالىق ساياساتتىڭ باسىمدىقتارىن ءسوز ەتتى جانە دە پرەزيدەنتتىڭ تاپسىرمالارىن ىسكە اسىرۋ بويىنشا ءوز ويلارىن ورتاعا سالدى.
