الەم چەمپيوناتى ۇيىمداستىرۋشىلارى قازاقستاننىڭ ەسكى ءان ۇرانى ءۇشىن كەشىرىم سۇرادى
«چەمپيونات قارساڭىندا قازاقستاندىق دەلەگاتسيا ۇيىمداستىرۋشىلارعا بارلىق قاجەتتى مالىمەتتەر مەن اتريبۋتتاردى، سونىڭ ىشىندە، ەلىمىزدىڭ تۋى مەن ءان ۇرانىن بەردى. ءبارى جارىستىڭ ەرەجەلەرىنە ساي جاسالدى. جۋىردا ينچحونداعى ازيا ويىندارىندا ءبىزدىڭ دەلەگاتسيا سونداي راسىمدەردەن ءوتتى، ءبارى قاتەلىكسىز، رەنىشسىز بولدى. چەدجۋدە بوكستان الەم چەمپيوناتى باستالىسىمەن وسىنداي وقيعا بولىپ وتىر، ءبىز ۇيىمداستىرۋشىلارمەن بايلانىسقا شىعىپ، قاتەلىك تۋرالى ەسكەرتتىك، سەبەبىن انىقتاۋدى تالاپ ەتتىك. ۇيىمداستىرۋشىلار مۇنى وزدەرىنىڭ تەحنيكالىق قاتەلىگى دەپ مويىنداپ، ايەلدەر قۇراماسىنىڭ باپكەرى ۆاديم پريسياجنيۋكتەن رەسمي تۇردە كەشىرىم سۇرادى»، - دەپ مالىمدەدى مارجىقبايەۆ.
ەسكە سالا كەتەيىك، بوكستان الەم چەمپيوناتىندا نازىم قىزايبايدى ماراپاتتاۋ كەزىندە قازاقستاننىڭ بۇرىنعى ءانۇرانى ورىندالعان بولاتىن. 48 كەلىگە دەيىنگى سالماق دارەجەسىندە سىنعا تۇسكەن قازاقستان سپورتشىسى فينالدىق باسەكەدە ءۇندىستاندىق قارسىلاسى - شامدجەتسابام ساردجۋبالانى جەڭىپ كەتتى. قازىلاردىڭ ءبارى قىزايبايعا باسىمدىق بەردى - 3:0.
