قازاقستان جانە فرانسيا قازاقستاندىق فۋتبولدى بىرلەسە دامىتۋعا كەلىستى

استانا. قازاقپارات - ق ر مادەنيەت جانە سپورت ۆيتسە- ءمينيسترى تاستانبەك ەسەنتايەۆ فرانتسيانىڭ يندۋستريا جانە يننوۆاتسيا ۆيتسە- ءمينيسترى ەريك بەسسونمەن كەزدەستى.

«ەريك بەسسون مىرزا سونىمەن قاتار فرانسيا چەمپيوناتىنىڭ ەكىنشى ديۆيزيونىندا ونەر كورسەتىپ جۇرگەن «گاۆر» (Le Havre Athletic Club) فۋتبول كلۋبىنىڭ يەسى بولىپ تابىلادى. كەزدەسۋ بارىسىندا تاراپتار ءوزارا ىنتىماقتاستىق ماسەلەلەرىن تالقىلادى. ءسوز اراسىندا ەريك بەسسون مىرزا قازاقستاندىق جاس فۋتبولشىلاردى دايارلاۋ ىسىندە كومەك قولىن سوزعىسى كەلەتىندىكتەرىن جەتكىزدى» ، - دەلىنگەن ق ر مادەنيەت جانە سپورت مينيسترلىگىنىڭ مالىمەتىندە.

«ءبىزدىڭ جوعارى بىلىكتى ماماندار قازاقستانعا كەلىپ، فۋتبولشىلاردى كاسىبي تۇرعىدا دايارلاۋعا ءازىر»، - دەدى قۇرمەتتى قوناق.

 ءوز كەزەگىندە تاستانبەك ەسەنتايەۆ فرانسۋز ارىپتەسىنە اۋەلى «قايرات» فۋتبول كلۋبىمەن كەلىسىمشارت جاساسۋدى ۇسىندى.

«بۇگىندە «قايرات» ف ك- نىڭ بازاسى قازاقستاندا ۇزدىكتەردىڭ قاتارىندا. مينيسترلىك تاراپىنان ءبىز ىنتىماقتاستىققا مۇددەلىمىز جانە بارىنشا جاردەمدەسۋگە دايىنبىز»، - دەپ اتاپ ءوتتى ۆيتسە- مينيستر ت. ەسەنتايەۆ.
اۆتور: رۋسلان عابباسوۆ