11:20, 26 - قاراشا 2014 | GMT +6
قىتايدىڭ تارباعاتاي ايماعىنىڭ ونەرپازدارى شىعىس قازاقستاندا كونسەرت قويدى
استانا. قازاقپارات- شىعىس قازاقستان وبلىسىنىڭ جارما اۋداندىق مادەنيەت ۇيىندە قىتاي حالىق رەسپۋبليكاسىنىڭ تارباعاتاي ايماعىنىڭ تاجىريبە الماسۋ ماقساتىندا ارنايى كەلگەن ونەر ۇجىمدارىنىڭ كونسەرتى ءوتتى.
بۇل تۋرالى Altaynews.kz سايتى حابارلايدى.
كونسەرتكە سونىمەن قاتار وبلىستىق كوركەمونەرپازدار بايقاۋىنىڭ بىرنەشە دۇركىن باس جۇلدە يەگەرى «سۇلۋىم» ەسترادالىق قىزدار توبى قاتىسىپ، ءوز ونەرلەرىن ورتاعا سالدى.
سالتاناتتى شارادا قىتاي حالىق رەسپۋبليكاسىنان كەلگەن ارنا ءنابيدوللا قىزىنىڭ ورىنداۋىنداعى «جايلاۋىم باقشا جايناعان»، «شىرايلىم- اي»، سونداي- اق ەربولات قىزىكەن ۇلىنىڭ «اۋىلداستار» اندەرى تىڭدارمان كوڭىلىنەن شىقتى.
شارا سوڭىندا بارلىق ونەرپازدارعا اۋدان اكىمى اتىنان ەستەلىك سىيلىقتار مەن العىس حات تابىس ەتىلدى.
اۆتورى: بولات كوكەناي ۇلى
