كورەيادا بوكستان الەم بىرىنشىلىگىندە قازاقستاننىڭ بۇرىنعى ءانۇرانى شىرقالدى
دجەدجۋ قالاسىندا ءوتىپ جاتقان الەم بىرىنشىلىگىندە نازىم قىزايباي 48 كەلىگە دەيىنگى كاتەگوريادا الەم چەمپيونى اتاندى. ءبىراق جۇلدەگەرلەردى ماراپاتتاۋ راسىمىندە قازاقستاننىڭ بۇرىنعى ءانۇرانى شىرقالعان.
ايتا كەتەيىك، باسىلىم بۇل جۇلدەنىڭ ايەلدەر اراسىنداعى بوكستان قازاقستان تاۋەلسىزدىگىن العاننان كەيىن جەڭگەن تۇڭعىش التىن مەدالى ەكەنىن جازادى.
باسىلىم مۇنداي كىلتيپاننىڭ شىعۋىنا بوكستان قازاقستان قۇراماسىنىڭ دەلەگاتسياسىن باستاپ بارعان ادامنىڭ جاۋاپتى ەكەنىن جازادى. «ۇيىمداستىرۋشىلاردىڭ قاتەلەسۋى دە ىقتيمال. دەسەك تە، مۇنداي سالتاناتتى شارا بارىسىندا (ماراپاتتاۋ كەزىندە) ونداي دۇنيەلەرگە بوكستان قازاقستان قۇراماسىنىڭ دەلەگاتسياسىن باستاپ بارعان كىسى جاۋاپتى بولۋى كەرەك ەمەس پە؟ !»، - دەپ جازادى باسىلىم.
ايتا كەتەيىك، مۇنداي جاعداي بيىلدىققا ءبىرىنشى رەت بولىپ وتىرعان جوق. وسىعان دەيىن يتاليانىڭ ۆەرونا قالاسىندا ۆولەيبولدان ايەلدەر اراسىنداعى الەم چەمپيوناتىندا قازاقستاننىڭ ەسكى ءانۇرانى قويىلعان ەدى. ال مۇنىڭ الدىندا وسىنداي جاعداي الماتىدا «الماتى» جانە «بەيبارىس» حوككەي كوماندالارى اراسىنداعى ماتچتىڭ اشىلۋىندا بولدى. ماسكەۋدە سسكا مەن «بارىس» اراسىنداعى ماتچىندا دا وسىنداي ولقىلىق قايتالانعان.
