قازاق ۇلتتىق ۋنيۆەرسيتەتىنىڭ رەكتورى الەمدىك ونەر جانە عىلىم اكادەمياسىنىڭ مۇشەسى بولىپ سايلاندى
WAAS جانە الەم ۋنيۆەرسيتەتتەرى كونسورتسيۋمىنىڭ پرەزيدەنتى ەيتور گۋرگۋلينو دە سوۋزا مىرزا قازۇۋ رەكتورىن قۇتتىقتاي وتىرىپ: «پروفەسسور عالىم مۇتانوۆ، بەلگىلى عالىم جانە جاڭاشىل زەرتتەۋشى رەتىندە عىلىمنىڭ دامۋىنا باعا جەتپەس ۇلەس قوسۋدا. ونىڭ مودەلدەۋ مەن تەحنولوگيالىق جانە الەۋمەتتىك- ەكونوميكالىق جۇيەلەردى باسقارۋ سالاسىنداعى عىلىمي- زەرتتەۋ ەڭبەكتەرىنىڭ ناتيجەلەرى الەمدىك عىلىمدا كەڭىنەن تانىلدى. ول قىزمەتى ءبىزدىڭ ۇيىمنىڭ باعىتىمەن ۇندەس كەلەتىن ءىرى ۋنيۆەرسيتەتتى ىسكەرلىكپەن باسقارىپ وتىر»، - دەپ اتاپ ءوتتى.
بۇكىل الەمدىك ونەر جانە عىلىم اكادەمياسىنىڭ نەگىزى 1960 - جىلى قالانعان جانە بەدەلدى حالىقارالىق ۇيىم، ول ءوز قۇرامىنا الەمنىڭ 80 ەلىنەن 700 دەن اسا جاھانعا تانىمال عالىمداردى جيناعان. ەليتالى عىلىمي كلۋب قۇرامىنا سايلاۋ بايقاۋ تۇرىندە جانە تەك بوس ورىندار بولعان كەزدە عانا وتكىزىلەدى. اكادەميانىڭ مۇشەلەرى قۇرامىندا كوپتەگەن مەملەكەت باسشىلارى، تانىمال الەمدىك قوعام قايراتكەرلەرى، نوبەل سىيلىعىنىڭ يەگەرلەرى جانە تانىمال عالىمدار بار.
اكادەميانىڭ ۇرانى ونىڭ نەگىزىن قالاۋشىلاردىڭ ءبىرى البەرت ەنشتەيننىڭ: «جاراتۋ، ءبىزدىڭ كوزقاراسىمىزشا، ول ادامزاتقا بەرىلگەن قارعىس ەمەس، باتا بولۋى كەرەك» دەگەن سوزىنەن كورىنىس تاپقان. سوندىقتان WAAS قىزمەتى جاڭا زاماناۋي الەمدى قالىپتاستىرۋ مەن جاقسارتۋ جانە بۇگىنگى جاھاندانۋدىڭ تۇراقتى دامۋىندا جاڭا يدەيالاردىڭ ۇسىنىلۋىنا زور ءمان بەرىلىپ وتىرعان جالپى الەمدىك ماسەلەلەردىڭ ءتيىمدى شەشۋ جولدارىن تابۋمەن بايلانىستى بولىپ وتىر.
