10:36, 24 - قاراشا 2014 | GMT +6
اڭشى جولبارىستىڭ قۇربانى بولدى
استانا. قازاقپارات - رەسەيدىڭ پريمورە ولكەسىندەگى نۋ ورماندا ەگدە جاستاعى اڭشىنىڭ مۇردەسى تابىلدى. ول جولبارىستىڭ قۇربانى بولدى دەگەن بولجام بار.
بۇل تۋرالى رەسەيدىڭ ولكەلىك باسقارماسىنىڭ باسپا ءسوز قىزمەتىنەن حابارلاندى.
75 جاستاعى اڭشىنىڭ مۇردەسىن ولكەنىڭ كراسنوارمەيسك اۋدانىنداعى ارمۋ وزەنىنىڭ ماڭىنان قورىقشى تاپقان. ءمايىتتىڭ جانىندا جولبارىستىڭ ىزدەرى بولدى.
وقيعا ورنىنا جەدەل- تەرگەۋ توبى شىقتى. پوليتسەيلەر قارتتىڭ قازا بولۋ سەبەپتەرىن انىقتاۋدا، كريميناليستىك ساراپتامالار تاعايىندالدى.
