لوندوننىڭ بەسجۇلدىزدى قوناق ءۇيىندە جارىلىس بولدى
گاز قوناق ءۇيدىڭ اسحانا بولمەسىندە جارىلعان. 14 ادام زارداپ شەكتى. التاۋىنا وقيعا ورنىندا مەديتسينالىق كومەك كورسەتىلدى، قالعاندارى جاقىن ماڭداعى اۋرۋحاناعا جەتكىزىلدى. ولاردىڭ جاراقاتتارى اسا اۋىر ەمەس. گاز جارىلىسىنان وتەل عيماراتىنا ايتارلىقتاي زاقىم كەلدى. مۇنداعى ادامدار تۇگەل ەۆاكۋاتسيالاندى.
قازىر وقيعانىڭ سەبەپتەرى انىقتالىپ جاتىر. الدىن الا مالىمەت بويىنشا، جارىلىس تۇرمىستىق گاز قۇبىرىنىڭ تەسىلۋىنەن بولۋى مۇمكىن. پورتمان- سكۆەر الاڭىنداعى وقيعا ورنىندا پوليتسيا، ءورت جانە مەديتسينا قىزمەتتەرىنىڭ 100 دەن استام وكىلى جۇمىس ىستەدى. سانيتارلىق اۆياتسيانىڭ ۇشاعى دا شاقىرتىلدى.
ەسكە سالا كەتەيىك، مۇنىڭ الدىندا ماسكەۋدىڭ تۇرعىن ۇيلەرىندە بىرنەشە رەت گاز جارىلعان ەدى. 26 پاتەر مەن 11 ۇيگە زاقىم كەلدى. توتەنشە وقيعالار لەگىنە گازتاراتقىش ستانتسياداعى جابدىقتاردىڭ اقاۋى سەبەپ بولدى.
