الماتى اسپانىنان ۇشاتىن بەيمالىم نىسان بايقالدى - كەسكىن

استانا. قازاقپارات - الماتى تۇرعىنى «ۇيالى تەلەفونىمنىڭ كامەراسىنا ۇشاتىن بەيمالىم نىساندى ءتۇسىرىپ الدىم» دەپ وتىر، - دەپ حابارلايدى «جەتىنشى ارنا».

راۋشان قاسەتوۆا تۇسىرگەن بەينەجازبادان مەگاپوليستىڭ تۇنگى اسپانىنداعى جارقىراعان نىساندى كورۋگە بولادى. ونىڭ شەڭبەر ءتارىزدى ەكەنى بايقالادى. كۋاگەردىڭ ايتۋىنشا، بەيمالىم نىسان اراعا ءبىر اي سالىپ، وسىمەن ەكىنشى رەت بايقالىپ تۇر.

«ءۇيىمنىڭ جانىنا توقتاعان كەزدە جانىپ تۇرعان وسى ءىرى دوڭگەلەكتى كوردىم. ول ۇشاقتان الدەقايدا ۇلكەن. بۇل ۇشاق ەمەس، ءارى ءدوپ-دوڭگەلەك. كەيىن كوشەگە قايتا شىققان كەزدە ول كۇرت تومەن قۇلاپ كەتتى»، - دەيدى راۋشان.

ەسكە سالا كەتەيىك، مۇنىڭ الدىندا بەلگىلى ۋفولوگ قازاقستانداعى ۇشاتىن بەيمالىم نىساندار بايقالاتىن جەرلەردى اتاعان ەدى. «قازاقستان-كوسموىزدەۋ» حالىقارالىق زەرتتەۋ بىرلەستىگىنىڭ جەتەكشىسى ۆاديم چەرنوبروۆ بەيمالىم نىسانداردىڭ قازاقستان اۋماعىنا ءجيى قالدىراتىن تاڭبالارى تۋرالى دا ايتتى.