داۋرەن ەلەۋسىنوۆ كاسىبي رينگتەگى العاشقى كەزدەسۋىن نيۋ-يوركتە وتكىزەدى

استانا. قازاقپارات - ق ر-دىڭ بوكستان سپورت شەبەرى، 2005-جىلعى قازاقستان چەمپيونى داۋرەن ەلەۋسىنوۆ 3- جەلتوقساندا نيۋ-يوركتە كاسىبي رينگتەگى ءبىرىنشى جەكپە-جەگىن وتكىزەدى. بۇل تۋرالى ونىڭ تۋعان ءىنىسى - دانيار ەلەۋسىنوۆ ءوزىنىڭ Instagram پاراقشاسىندا جازدى.

«3- جەلتوقساندا ۇلكەن اعام نيۋ-يوركتە كاسىبي رينگكە العاش رەت شىعادى. قازاقستاندىقتار، جەرلەستەرىڭىزدى قولداڭىزدار!»، - دەيدى دانيار.

ەسكە سالساق، دانيار 2013-جىلعى الەم چەمپيونى، 2010 جانە 2014-جىلدارداعى ازيا ويىندارىنىڭ چەمپيونى، سونىمەن بىرگە 2013 جانە 2014-جىلدارداعى AIBA نۇسقاسى بويىنشا ۇزدىك الەم بوكسشىسى اتاعىنىڭ يەگەرى.

داۋرەن ەلەۋسىنوۆ جاستار اراسىندا كوپتەگەن رەسپۋبليكالىق تۋرنيرلەردىڭ جەڭىمپازى، جۇلدەگەرى، 2005-جىلعى قازاقستان چەمپيونى.