قازاقشا كۇرەستەن «ەۋرازيا بارىسى» تۋرنيرىندە موڭعوليالىق بالۋاندار قازاقتاردى جەڭىپ كەتتى

 استانا. قازاقپارات - «تاراز-ارەنا» سپورت سارايىندا قازاقشا كۇرەستەن ІІ حالىقارالىق «ەۋرازيا بارىسى» تۋرنيرىندە موڭعوليالىق بالۋاندار جەرلەستەرىمىزدى جەڭىپ، جەڭىمپاز اتاندى.

  وسىمەن ەكىنشى رەت ۇيىمداستىرىلىپ وتىرعان بۇل تۋرنيرگە بيىل 12 ەلدەن 60 پالۋان باق سىنادى.

تۋرنيردىڭ العاشقى اينالىمىندا قازاقستان قۇراماسى قىتاي بالۋاندارىن 5:0 ەسەبىمەن ۇتتى. ەكىنشى اينالىمدا تاجىكستان قۇراماسىن ەش قيىندىقسىز جەڭىپ، جارتىلاي فينالعا جولداما الدى. ال جارتىلاي فينالدىق باسەكەدە گرۋزيا بالۋاندارىن 4:1 ەسەبىمەن ۇتىپ، فينالعا شىقتى.

فينالدا بالۋاندارىمىز موڭعوليادان كەلگەن قارسىلاستارىنان 4:1 ەسەبىمەن ۇتىلىپ قالدى.

1-ورىن. موڭعوليا

2-ورىن. قازاقستان

3-ورىن. گرۋزيا

ەسكە سالا كەتەيىك، بىلتىرعى تۋرنيردە قازاقستاندىق بالۋاندار جەڭىسكە جەتكەن بولاتىن، دەپ جازادى sportnews.kz.