قازاقستاندا شۆەيساريا ساعاتتارى شىعارىلا باستاۋى مۇمكىن
اقوردادا نۇرسۇلتان نازاربايەۆ پەن قازاقستانعا رەسمي ساپارمەن كەلگەن شۆەيساريا كونفەدەراتسياسىنىڭ پرەزيدەنتى ديدە بۋركحالتەر كەزدەستى.
«قازىرگى ەلىمىزدىڭ يندۋستريالىق ساياساتىن جۇرگىزىپ جاتقان جاعدايلاردا، ءبىز شۆەيساريا ماشينا جاساۋ، فارماتسيەۆتيكا، حيميا، ساعات جاساپ شىعارۋ جانە باسقا دا سالالاردا ءبىزدىڭ ەلگە، ءبىزدىڭ ينفراقۇرىلىمدىق جوبالارىمىزعا كومەكتەسەدى دەپ ويلايمىز»، - دەدى قازاقستان پرەزيدەنتى كەزدەسۋدەن كەيىن جۋرناليستەرگە.
ول قازىرگى ۋاقىتتا قازاقستان جانە شۆەيتساريانىڭ 40 تان استام بىرلەسكەن كاسىپورنى جۇمىس ىستەيتىندىگىن ايتتى. بۇگىنگى كەزدەسۋ ءوزارا قارىم- قاتىناس بەلسەندىلىگىن ارتتىرۋعا مۇمكىندىك بەرەتىندىگىنە سەنىم ءبىلدىردى.
قازاقستان پرەزيدەنتى حالىقارالىق تۇرعىدا تاراپتار ءبىز كوزقاراستى ۇستاناتىندىقتارىن ءبىلدىردى. «ەكى جاقتىڭ دا ۋكراينا داعدارىسى ماسەلەسىن، وسى ەلدە بەيبىتشىلىك پەن تىنىشتىق ورناۋىن تەزىرەك شەشكىلەرى كەلەتىن نيەتتەرى بار»، - دەدى نازاربايەۆ.
ديدە بۋركحالتەر ءوز كەزەگىندە، بۇل ونىڭ قازاقستانعا العاشقى ساپارى جانە ورتالىق ازيا ساپارى بارىسىنداعى العاش رەت كەلۋى ەكەنىن ايتتى. ول ورتالىق ازيا، اسىرەسە قازاقستان ەۋروپا مەن ازيا اراسىنداعى كوپىردە وتە ماڭىزدى رول اتقاراتىندىعىن اتاپ ءوتتى.
