گولوۆكين: قانات يسلاممەن جەكپە- جەك وتكىزەدى دەگەن قيسىنسىز اڭگىمە

 استانا. قازاقپارات - قازاقستاندىق كاسىپقوي بوكسشى گەننادي گولوۆكين سالماقتىڭ ءتۇرلى دەڭگەيىنە بايلانىستى قانات يسلاممەن جەكپە- جەك وتكىزۋ قيسىنسىز اڭگىمە دەپ وتىر.

 بۇل تۋرالى ول بۇگىن استانادا وتاندىق جانكۇيەرلەرمەن جانە ب ا ق وكىلدەرىمەن كەزدەسۋى بارىسىندا ءمالىم ەتتى.

«بۇل ازىرگە تەك ءسوز جۇزىندە عانا. ءبىراق ورىندالمايتىن ەشتەڭە جوق. ءبىز قازىر قاناتپەن ءتۇرلى سالماق دەڭگەيىندەمىز. بۇل جەكپە- جەك قيسىنسىز قازىر. ول رەيتينگتىڭ باسقا دەڭگەيىندە ورنالاسقان»، - دەپ اتاپ ءوتتى بوكسشى.

ونىڭ ويىنشا، قاناتتىڭ تاراپىنان بولعان شاقىرۋدى بوكسشىنىڭ ءوزى جاساماعان بولۋى ىقتيمال.

«مەن قاناتتى بۇرىننان تانيمىن. مەنىڭشە ول جەكە ءوزى مەنى جەكپە- جەككە شاقىرماۋى مۇمكىن. ونى ونىڭ باپكەرى جاساسا كەرەك»، - دەيدى گولوۆكين. 

 اۆتور: جاسۇلان جولدىبايەۆ