جانار دوعالوۆا تۇركىتىلدەس ەلدەردىڭ ءان كونكۋرسىندا جەڭىسكە جەتتى - فوتو
«ءبىز جەڭدىك!!! سىزدەردىڭ سۇيىسپەنشىلىكتەرىڭىز بەن قولداۋلارىڭىزعا زور العىس!!!، - دەپ جازدى پروديۋسەر بايان ەسەنتايەۆا ينستاگرامدا.
«Turkvizyon-2014» Ⅱحالىقارالىق تەلەۆيزيالىق ءان كونكۋرسىنىڭ فينالى قازان قالاسىندا ءوتتى، جەڭىسكە جەتۋلەرى ءۇشىن جارتىلاي فينالدا ەڭ كوپ بال جيناعان 15 قاتىسۋشى كونكۋرستا سىنعا ءتۇستى.
جانار دوعالوۆا فينالدا ءۇشىنشى بولىپ شىقتى، ول «ءىزىن كورەم» دەگەن كومپوزيتسيانى ورىندادى.
«قازانداعى فەستيۆالعا 24 ەلدەن جانە رەسەي فەدەراتسياسىنىڭ ايماقتارىنان 300 دەن استام قوناقتار شاقىرىلدى. شارانىڭ قۇرمەتتى قوناقتارى ۇيىمنىڭ تۇراقتى كەڭەسىنىڭ 32 - وتىرىسىنا قاتىسىپ جاتقان تۇركىسوي ەلدەرىنىڭ مادەنيەت مينيسترلەرى قاتىسادى»، دەپ حابارلاعان بولاتىن بۇدان بۇرىن ۇيىمداستىرۋشىلار.
«Turkvizyon-2014» جارتىلاي فينالىندا بيىل تۇركىتىلدەس ەلدەردەن 25 ءارتىس ونەر كورسەتتى.
حالىقارالىق انشىلەر كونكۋرسىنىڭ جولداماسىن جەڭىپ الۋ ءۇشىن قازاقستاننىڭ 16 ورىنداۋشىسى سايىستى.
«Turkvizyon-2014» تۇركى الەمى ءۇشىن «ەۋرو ۆيدەنيەگە» بالاما ىسپەتتى. كونكۋرس اۋديتورياسى 300 ميلليوننان استام ادامدى قامتيدى. العاشقى «Turkvizyon-2014» كونكۋرسى وتكەن جىلى تۇرىكتىڭ ەسكى شاھار قالاسىندا وتكەن بولاتىن. وعان 24 ەل مەن ايماقتاردىڭ وكىلدەرى قاتىستى. قازاقستاننان قاتىسقان Rin'Go توبى فينالدىڭ قورىتىندىسىندا 9- ورىنعا يە بولدى.
كەلەسى جىلى كونكۋرس تۇرىكمەنستاندا، مارى قالاسىندا وتەدى.
جانار دوعالوۆا «استانا جۇلدىزى» ۇلتتىق سىيلىعى نۇسقاسى بويىنشا 2014 - جىلدىڭ ءانشىسى اتانعان بولاتىن.
