11:09, 22 - قاراشا 2014 | GMT +5
بريتان حانزاداسى ويلاماعان جەردەن مەشىتكە باس سۇقتى - فوتو
استانا. قازاقپارات - بريتان بيلىگىنىڭ ءتورتىنشى تاق يەگەرى حانزادا گارري ومان استاناسى ماسكات قالاسىنداعى ءىسساپارى بارىسىندا ويلاماعان جەردەن ورتالىق مەشىتكە باس سۇعىپ، ارالاپ شىعۋدى ءجون سانادى،
دەپ حابارلادى http://muslim.kz.
قۇلشىلىق ورداسىنا ءتارتىپ بويىنشا، اياق كيىمىن شەشىپ كىرگەن ول مەشىت عيماراتىنىڭ تاڭعاجايىپ سۇلۋلىعىنا تاڭ- تاماشا قالدى. 20000 جان سىياتىن الىپ مەشىت تۋرالى كەيبىر اقپاراتتاردى حانزادا گارري ءوزى سۇراپ ءبىلىپ وتىردى. سوڭىنان مەشىت كىتاپحاناسىنا باس سۇققان ول قابىرعادا ءىلىنىپ تۇرعان اكەسى چارلزدىڭ سۋرەتىن كورىپ، العىسىن ءبىلدىردى.
ەش ەسكەرتۋسىز، ويلاماعان جەردەن مەشىتكە كەلگەن حانزادانىڭ بۇل ارەكەتى جەرگىلىكتى تۇرعىنداردىڭ ماقتانىش سەزىمىن تۋعىزدى. ءماز- مەيرام بولعان ولار حانزادانى الىستان سۋرەتكە تۇسىرۋگە تىرىستى.
