استانادا فرانسۋز رەجيسسەرىنىڭ ن. نازاربايەۆ تۋرالى تۇسىرگەن دەرەكتى فيلمى تانىستىرىلماق
فرانسۋز رەجيسسەرى رەجيس گەزەلباشتىڭ بۇل تۋىندىسىنا ەلباسىنىڭ ءوزى باعا بەرىپ ۇلگەرگەن.
«مەن سىزدەردىڭ پرەزيدەنتتەرىڭىزبەن كەزدەسۋ باقىتىنا يە بولدىم. ول ماعان ارنايى ۋاقىتىن ءبولدى. سونىمەن قاتار سۇحبات العان كەزىمدە ول اتالعان فيلمنىڭ 7 ەپيزودىن قاراپ شىقتى. دەگەنمەن پرەزيدەنت فيلمنىڭ اياقتالعان نۇسقاسىن كورگەن جوق. مەنىڭشە وعان بۇل تۋىندى ۇناعان سياقتى»، - دەيدى ر. گەزەلباش.
فرانسۋز مامانى دەرەكتى فيلمدى ق ر تۇڭعىش پرەزيدەنتى كىتاپحاناسىمەن بىرىگىپ تۇسىرگەن.
«العاش رەت مەن قازاقستانعا 2004-جىلى كەلگەنمىن. ول كەزدە قازاق-فرانسۋز كينوسىنا پروديۋسەر بولدىم. قازاقستانمەن تانىستىعىم سول كەزدە باستالدى. 2010-جىلى مەن قازاقستانداعى دىن ماسەلەسىنە ارنالعان فيلمگە پروديۋسەرلىك ەتتىم. بۇل حالىقارالىق فەستيۆالدەردە وتە جاقسى ناتيجەلەرگە قول جەتكىزگەن فيلم بولدى»، - دەپ اتاپ ءوتتى ول.
اۆتور: جاسۇلان جولدىبايەۆ
