قازاقستان ازاماتتارىنىڭ ەلدەن كوشۋ سەبەپتەرى انىقتالادى

استانا. قازاقپارات - قازاقستان ازاماتتارىنىڭ ەلدەن كوشۋ سەبەپتەرى زەردەلەنەدى. بۇل تۋرالى بۇگىن ق ر پرەزيدەنتى جانىنداعى ازاماتتىق ماسەلەلەر جونىندەگى كوميسسيانىڭ وتىرىسىندا ق ر مەملەكەتتىك حاتشىسى گۇلشارا ءابدىقالىقوۆا ءمالىم ەتتى.

«ارينە، ادامنىڭ تاڭداۋ جاساۋىنا بۇل جاعدايدا ءتۇرلى جايتتاردىڭ ىقپال ەتەتىندىگى ءسوزسىز. الايدا، كوبىنەسە وبەكتيۆتى نەگىزدەمەلەر بولمايدى. سوڭعى ۋاقىتتا قازاقستان رەسپۋبليكاسىنىڭ ازاماتتىعىنا قابىلدانۋ سانى بويىنشا ستاتيستيكالىق مالىمەتتەر وتە جاقسى، وڭ سەرپىن بار. بىزدەرگە الىس شەت ەلدەردەن، سونىمەن قاتار تاياۋ شەت ەلدەردەن دە قونىس اۋدارىپ جاتادى. بۇعان قوسا، ءوز وتانىنان ساياسي ءارى قۇقىقتىق بايلانىستى ۇزگەن تۇلعالارعا قاتىستى ستاتيستيكانى دا تەرەڭ زەردەلەۋ قاجەت. قونىس اۋدارۋلارىنىڭ سەبەبى نەدە؟ مەنىڭشە، ءبىزدىڭ كوميسسيا بۇل ماسەلەنى مەملەكەتتىك ورگاندارمەن بىرلەسىپ زەردەلەيتىن بولادى»، - دەدى مەملەكەتتىك حاتشى.

كوميسسيا وتىرىسىندا قازاقستان ازاماتتىعىنا قابىلداۋ جانە شىعارۋ ماسەلەلەرى قارالدى.

كوميسسيا ۇسىنىسىنىڭ نەگىزىندە ەلباسى ءتيىستى جارلىققا قول قويعاننان كەيىن رەسپۋبليكامىزعا ت م د جانە الىس شەت ەلدەردەن كەلگەن، ءتۇرلى ۇلت وكىلدەرىنەن قۇرالعان 638 ادام قازاقستان ازاماتى اتانادى.

اۆتور: مارلان جيەمباي