تاسماعامبەتوۆ اسكەردىڭ جاۋىنگەرلىك ازىرلىگىن كەنەتتەن تەكسەردى - فوتو
«قاراشانىڭ 19قاراعان تۇنى قارۋلى كۇشتەردىڭ جوعارعى باس قولباسشىسى - قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ بۇيرىعى بويىنشا قازاقستان رەسپۋبليكاسىنىڭ قورعانىس ءمينيسترى ي. ن. تاسماعامبەتوۆ قارۋلى كۇشتەردىڭ جاۋىنگەرلىك ازىرلىگى مەن جاۋىنگەرلىك قابىلەتىنىڭ جاي-كۇيىنە كۇتپەگەن تەكسەرۋ جۇرگىزدى.
تەكسەرۋ بارىسىندا «وڭتۇستىك» وڭىرلىك قولباسشىلىعىنىڭ اسكەرلەرى، اەروۇتقىر اسكەرلەر مەن ق ر ق ك اۋە قورعانىسى كۇشتەرى دابىل بويىنشا كوتەرىلىپ، جوسپارلانباعان اۋداندارعا شىعارىلدى. بارلىعى بۇل ءىس-قيمىلدارعا 3 مىڭنان استام ادام، 400 بىرلىك اسكەري تەحنيكا جانە 36 اۆياتسيالىق تەحنيكا قاتىستى»، - دەلىنگەن ۆەدومستۆونىڭ حابارلاماسىندا.
اسكەرلەردەگى مانيەۆرلەردى ق ر قورعانىس ءمينيسترى جانە باس شتابتىڭ وكىلدەرى باقىلاعانى حابارلاندى.
«جاسالعان ەكى كۇندىك تەكسەرۋ بارىسىندا قۇرامالاردىڭ ۇتقىرلىعى جانە ولاردىڭ الىس قاشىقتىقتارعا كۇشتەردى جەدەل جەتكىزۋگە قابىلەتتىلىگى تەكسەرىلدى. پوليگونداردا اتىس جانە تاكتيكالىق-ارنايى مىندەتتەردى پىسىقتاۋ جۇرگىزىلدى»، - دەدى قورعانىس مينيسترلىگى وكىلدەرى.
بۇل ءىس-شارالاردىڭ كومانديرلەر مەن شتابتاردىڭ جاۋىنگەرلىك ازىرلىكتىڭ جوعارى دەڭگەيلەرىنە كەلتىرۋ، شوعىرلانۋ اۋدانىنا شىعۋ كەزىندەگى ءىس-قيمىلدارىنا باعا بەرۋ ءۇشىن ءوتىپ جاتقاندىعى ايتىلدى. سونداي-اق بۇل اسكەرلەردى جەدەل ورىستەتكەن جانە جاۋىنگەرلىك دايارلىق جوسپارى بويىنشا قولدانعان جاعدايداعى ماتەريالدىق-تەحنيكالىق قۇرالداردىڭ جاي-كۇيىن، جەتكىلىكتى بار بولۋىن جانە مۇقتاجدىعىن ايقىنداۋ ءۇشىن قاجەت ەكەنى حابارلانىپ وتىر.
«قورعانىس مينيسترلىگى جوعارعى باس قولباسشىنىڭ تاپسىرماسى بويىنشا كۇتپەگەن تەكسەرۋلەرگە نەگىزدەلگەن ءتۇرلى ءىس-شارالاردىڭ ۇلكەن كەشەنىن وتكىزەدى. جوسپاردان تىس تەكسەرۋلەر بۇگىنگى تاڭدا ارميانىڭ جاۋىنگەرلىك ازىرلىگىن تەكسەرۋدىڭ ەڭ ءتيىمدى ءادىسى بولىپ وتىر»، - دەدى ق ر قورعانىس ءمينيسترى يمانعالي تاسماعامبەتوۆ.
قورعانىس مينيسترلىگىنىڭ باسپا ءسوز قىزمەتىنىڭ حابارلاۋىنشا، قارۋلى كۇشتەردى وسىلايشا تەكسەرۋدىڭ قورىتىندىسى رەتىندە جەدەل جينالىس وتكىزىلىپ، وندا بولىمدەر مەن قۇرامالار جاۋىنگەرلىك ازىرلىگىنىڭ نەگىزگى ناتيجەلەرى باياندالدى. ق ر قارۋلى كۇشتەرى جوعارعى باس قولباسشىسىنىڭ تاپسىرماسىنا سايكەس، وقۋ-جاتتىعۋدىڭ جالپى تالداۋى مەن قورىتىندىسىن باس شتاب قورعانىس مينيسترلىگىنىڭ القاسىندا باياندايتىن بولادى.
