ق ر ۇلتتىق بانكى «انا» ەسكەرتكىش كۇمىس مونەتاسىن اينالىسقا شىعاردى
بۇل تۋرالى ق ر ۇلتتىق بانكىنىڭ باسپا ءسوز قىزمەتى حابارلادى.
«انا» مونەتاسى - مونەتالاردا ادامزاتقا ورتاق قۇندىلىقتاردى كورسەتۋگە جانە ولاردى ادامنان ادامعا، جۇرەكتەن جۇرەككە وزىندىك باعدار رەتىندە جەتكىزۋگە ارنالعان سەريانىڭ العاشقى مونەتاسى.
ەسكەرتكىش مونەتانى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى دايىنداعان جانە كوللەكتسيالىق قۇنى بويىنشا ساتۋعا ارنالعان. مونەتا كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.
مونەتا 925 سىنامدى كۇمىستەن جاسالعان، ماسساسى - 31,1 گرام، ديامەترى - 38,61 م م، دايىنداۋ ساپاسى - «proof»، ەڭ كوپ تارالىمى - 5 مىڭ دانا.
نومينالى 500 تەڭگەلىك ەسكەرتكىش مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي-اق شوتتارعا، سالىمدارعا، اككرەديتيۆتەرگە ەسەپتەۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.
مونەتانى قازاقستان رەسپۋبليكاسى ۇلتتىق بانكىنىڭ بارلىق فيليالدارىندا، سونداي-اق ق ر ۇ ب- نىڭ www.nationalbank.kz سايتىنىڭ «ۇلتتىق ۆاليۋتا» پاراقشاسىنداعى ينتەرنەت - دۇكەن ارقىلى ساتىپ الۋعا بولادى.
اۆتور: گۇلميرا عوسمانالي
