الەمدەگى ەڭ قىزىقتى ايىپپۇلدار

استانا. قازاقپارات - دۇرىس تاماقتانباعانى ءۇشىن تولەنەتىن ايىپپۇل

 امەريكانىڭ وڭتۇستىك بيەۆريك قالاسىندا جۇرگىزۋشى اۆتوكولگىن Dunkin Donuts كافەسىنىڭ (فاست- فۋد ورتالىعى) ماڭايىنا تۇراقتاسا، 175 دوللار ايىپپۇل تولەيدى. وسىلايشا ۇكىمەت باسشىلارى حالىقتىڭ دۇرىس تاماقتانۋىن قاداعالايدى ەكەن.

 جايباسارلىق ءۇشىن تولەنەتىن ايىپپۇل

 ورەگون شتاتىنىڭ زاڭ جۇيەسىندە جۇرگىزۋشى اۆتوكولىگىنەن باياۋ تۇسكەن جاعدايدا 90 دوللار كولەمىندە ايىپپۇل تولەيدى.

سۋسىن ءۇشىن تولەنەتىن ايىپپۇل

 بىرىككەن اراب امىرلىگىندە (ب ا ءا) شىرىن، شاي، كوفە سەكىلدى سۋسىن ءونىمىن قوعامدىق جەردە ىشكەنى ءۇشىن ايىپپۇل تاعايىندالادى. سەبەبى «رامازان ايىندا» بارلىق مۇسىلمان قاۋىم تاڭ اتقاننان كەش باتقانعا دەيىن اۋىز بەكىتەدى. بۇل قۇقىقتى نەگىزىنەن شەتەل ازاماتتارى ءجيى بۇزادى. وعان تاعايىندالاتىن ايىپپۇل كولەمى 500 دوللار شاماسىندا. ەگەر زاڭ بۇزۋشى بۇل ايىپاقىنى تولەي المايتىن بولسا، 1 ايعا اباقتىعا قامالادى.

قار اتقىلاۋ وينىنا تولەنەتىن ايىپپۇل

بەلگيا ەلىنىڭ كەي اۋدانىندا قارمەن اتقىلاسقان ادامعا 50-100 ەۋرو كولەمىندە ايىپپۇل سالىنادى.

اشىق جۇرگەنى ءۇشىن تولەنەتىن ايىپپۇل

 تايلاند كورولدىگىندە ەر كىسىگە كەۋدەسىن اشىپ كولىك جۇرگىزۋگە بولمايدى. ەگەر جۇرگىزۋشى كولىكتى وسىلايشا جۇرگىزەتىن بولسا، وندا جۇرگىزۋشى 20 دوللار شاماسىندا ايىپپۇل تولەۋى كەرەك.

ەگەۋقۇيرىقتىققا تولەنەتىن ايىپپۇل

ا ق ش- تىڭ حيلتون حەد قالاشىعىندا زاڭ قاداعالاۋشى ورگاندارى جۇرگىزۋشى كولىگىنەن قاندايدا ءبىر ەگەۋقۇيرىقتى ەلىكتىرەتىن قوقىس نەمەسە وزگە دە باسقا زاتتاردى تاپقان جاعدايدا 50 دوللار ايىپپۇل نەمەسە 1 اي كولەمىندە اباقتىعا وتىرعىزادى.

ەگەۋقۇيرىق جانۋارىن قورلاعانى ءۇشىن تولەنەتىن ايىپپۇل

 امەريكا ەلىنىڭ گەيلسبۋرگ قالاسىندا ەگەۋقۇيرىقتى بەيسبول شوقپارىمەن سوققىلاعان ادام 1000 دوللار شاماسىندا ايىپپۇل تولەۋى كەرەك.

اۆتوكولىك بەنزو باگىنىڭ بوس بولعانى ءۇشىن تولەنەتىن ايىپپۇل

بۇرىندارى گەرمانيا فەدەراتيۆتىك رەسپۋبليكاسىندا تۇندە كولىك جانارمايى تاۋسىلىپ قالعان جۇرگىزۋشىگە 90 ەۋرو ايىپپۇل تاعايىندالعان.

ەر جىگىتتىڭ ابىرويىن تۇسىرگەنى ءۇشىن تاعايىندالاتىن ايىپپۇل

ءۇندىستاندا ايەل ادام كوپشىلىك الدىندا كۇيەۋىن بەلسىزدىك اۋرۋىنا كىنالايتىن بولسا، وندا ول 200000 رۋپي (2,7 مىڭ دوللار) ايىپپۇل تولەۋى كەرەك.

دۇرىس ەسىم قويماعانى ءۇشىن تولەنەتىن ايىپپۇل

1991 -جىلى شۆەتسيا ەلىنىڭ جاس وتاۋ يەلەرى ءوز بالاسىن «Brfxxccxxmnpcccclllmmnprxvclmnckssqlbb11116» دەپ اتاماق بولعانى ءۇشىن 5 مىڭ كرون (000 700دوللار) ايىپپۇل تولەگەن.

massaget.kz