الماتى تەلەارناسى وسپان باتىر تۋرالى فيلم تۇسىرۋدە
ارنا تىلشىلەرى شەت مەملەكەتكە ساپار شەگىپ، باتىردىڭ كوزىن كورگەن، بىرگە سوعىسقان قازىرگى قارت ساربازبەن سۇحباتتاسىپ كەلدى.
سونداي-اق، وسى كۇنگە دەيىن ەش جەردە جاريالانباعان قولجازبا كوشىرمەلەرىن ەلگە جەتكىزدى. الداعى كۇندە رەسەي، قىتاي مەن مونعول ەلدەرىندە ساقتالعان قۇپيا قۇجاتتار زەردەلەنىپ، قالىڭ قاۋىمنىڭ نازارىنا ۇسىنىلادى.
«قالتارىسى كوپ تاريحىمىزدىڭ ءبىر پاراعى بولعان حاس باتىرمەن ۇشتاسىپ جاتىر... حالىقارالىق دەڭگەيدە دەرەكتى فيلم ءتۇسىرۋدى قولعا الۋىمىزدىڭ دا باستى ماقساتى دا وسى بەرگىسى كورشىمىزگە، ارعىسى وزگە مەملەكەتتەرگە باتىردى اقتاتۋ، دۇرىس، تۋرا قىرىنان تانىتۋ»، - دەدى الماتى تەلەارناسى باعدارلامالار ءبولىمىنىڭ باس رەداكتورى ماقسات سلامبەكوۆ.
«ءبىزدىڭ تىلشىلەر تابىلعان سونى مالىمەتتەردى ازىرگە قۇپيا ساقتاۋدى ءجون كورۋدە. تام-تۇمداپ جيىلعان اقپارات دەرەكتى فيلمگە تولىق توپتاستىرىلادى. كوزى قاراقتى كورەرمەن تەلەارنامىزدىڭ جاڭالىققا تولى ءونىمىن الداعى ۋاقىتتا تاماشالاي الادى»، - دەپ حابارلايدى «الماتى» تەلەارناسى.
