ءوز-ءوزىن ولتىرمەك بولعان حرومتاۋ تۇرعىنى پوليتسەيلەردى سوتقا بەردى

استانا. قازاقپارات - اقتوبە وبلىسىندا وزىنە قول جۇمساپ، تامىرىن كەسكەن تۇرعىن پوليتسيانى سوتقا بەردى.

ول ءتارتىپ ساقشىلارىنان 4,5 ميلليون تەڭگە ءوندىرىپ الماق.

بۇل تۋرالى Vaktobe.kz سايتىنا سىلتەمە جاساپ NUR. KZ حابارلايدى.

وقيعا 2014 - جىلدىڭ 18 - تامىزىندا ورىن العان. قاتتى قوبالجۋلى بولعان حرومتاۋ اۋدانىنىڭ تۇرعىنى ءوز-وزىنە قول جۇمساماق بولىپ، سول جاق بىلەگىنىڭ تامىرىن كەسەدى.

سۋيتسيدكە بارماق بولعان ادامنىڭ ايتۋىنشا، سول كەزدە وقيعا ورنىنا كەلگەن قۇقىق قورعاۋ ورگانى قىزمەتكەرلەرى وعان العاشقى مەديتسينالىق كومەك كورسەتۋدىڭ ورنىنا، كۇشتەپ قىزمەتتىك كولىككە سالىپ الىپ كەتكەن.

ياعني، پوليتسيا باسشىسى ءوز قاراماعىنداعى ءتارتىپ ساقشىلارىنا ونى كۇشتەپ اۋداندىق ىشكى ىستەر ءبولىمىنىڭ ماشيناسىنا وتىرعىزۋعا بۇيرىق بەرەدى.

شاعىمدانۋشى پوليتسەيلەردىڭ وزىنە ءمورالدىق شىعىن اكەلگەنىن ايتىپ، 4,5 ميلليون تەڭگە كولەمىندە ءمورالدىق وتەماقى تالاپ ەتكەن. الايدا، قارسى تاراپ بۇل شاعىمدى قابىلدامادى. سوت تا اتالعان شاعىمدى نەگىزسىز دەپ تاپتى.