قازاقستاننىڭ ەڭ تازا جانە ەڭ لاس قالالارى اتالدى

استانا. قازاقپارات - قازاقستان قالالارىنىڭ ىشىندە اۋاسى ەڭ تازا قالا - ورال، ال الماتى ەڭ لاس قالا اتانىپ وتىر.

مۇنداي تۇجىرىمدى "ۋرالسكايا نەدەليا" باسىلىمى "قازگيدرومەتتىڭ" 2013 - جىلعى مالىمەتىنە سۇيەنە وتىرىپ جاسادى.

رەسپۋبليكالىق كاسىپورىننىڭ مالىمەتىنشە، ورالدا اۋانىڭ لاستانۋ يندەكسى نولگە تەڭ، ال الماتى قالاسىندا - 11,5 پۋنكت. باسىلىم جاريالانعان ينفوگرافيكاداعى مالىمەت بويىنشا، ەكىباستۇز (1,8)، قوستاناي (2.0)، پاۆلودار (2,4)، استانا جانە بالقاش (2,9) قالالارىندا اۋا قاتتى لاستانباعان.

اۋانىڭ لاستانۋى يندەكسى بويىنشا اسىرەسە الماتىمەن قاتار، شىمكەنت (8,6)، وسكەمەن (7,6)، تاراز (7,4)، قاراعاندى (7,0)، تەمىرتاۋ (6,9) جانە جەزقازعان (6,5) قالالارى قاتتى لاستانعان.

tengrinews.kz