قازاقستاننىڭ ۇلتتىق بانكى الەمدە التىندى ساتىپ الۋدان ەكىنشى بولدى

استانا. قازاقپارات - قازاقستاننىڭ ۇلتتىق بانكى الەمدە التىندى ساتىپ الۋدان ەكىنشى بولدى. ءۇشىنشى توقسانداعى وسىنداي مالىمەتتەردى بۇكىل الەمدىك التىن كەڭەسى تاراتتى، دەپ حابارلايدى «جەتىنشى ارنا».

مامانداردىڭ پىكىرىنشە، رەتتەۋشى دوللار تاۋەلدىلىگىن تومەندەتۋ ءۇشىن سارى مەتالدى بەلسەندى ساتىپ الۋدا.

دەگەنمەن، تالداۋشىلار بۇل يدەيانىڭ تمد ەلدەرى ءۇشىن كەرى اسەرىن تيگىزە الاتىنىن جوققا شىعارمايدى.

قاۋىپ امەريكالىق ۆاليۋتانىڭ نىعايۋى مەن مۇناي باعاسىنىڭ تومەندەۋىنەن التىننىڭ دا ارزانداۋى مۇمكىندىگىندە. التىننىڭ ترويا ۋنتسياسىنىڭ (31,1 گرام) باعاسى 1200 دوللار شاماسىندا. ءبىراق 2015 - جىلى بۇل كورسەتكىشتىڭ 900 دوللارعا دەيىن تومەندەۋى مۇمكىن.

اعىمداعى جىلدىڭ قازان ايىندا ۇلتتىق بانكتىڭ ۆاليۋتالىق قورى 21,3 ميلليارد دوللاردى، التىن قورى - شاشامەن 7 ميلليارد دوللاردى قۇرادى.