عالىمدار قىزداردىڭ ەڭ تارتىمدى كەزى قاي جاس ەكەنىن انىقتادى

استانا. قازاقپارات - ا ب و اكادەمياسىنىڭ عالىمدارى (تۋركۋ، فينليانديا) ەر ادامداردىڭ كوزقاراسى بويىنشا ايەلدەردىڭ ەڭ تارتىمدى كەزى قاي جاس ەكەنىنە زەرتتەۋ جۇرگىزدى.

عىلىمي جۇمىس ناتيجەسىنە سايكەس ەر ادامدارعا 20 دان 30 جاسقا دەيىنگى ايەلدەر ۇنايدى. بۇل بارلىق جاس ساناتىنداعىلار ءۇشىن سيپاتتى: 20 جاسقا دەيىنگى جاستار قاتارلاسىنا قاراعاندا، وزىنەن ءبىرشاما ۇلكەن ايەلدەرگە قىزىعۋشىلىق تانىتادى، ال 30 جاستان اسقاننان كەيىن ەر ادامدارعا جاس ايەلدەر ۇناي باستايدى.

مامانداردىڭ ايتۋىنشا، بۇل تاڭداۋ ەۆوليۋتسيالىق فاكتورلارعا بايلانىستى: ءۇشىنشى ونجىلدىق ايەلدەردىڭ بالا تۋاتىن دەر كەزى سانالادى. ەر ادامنىڭ جوسپارىنا بال تۋۋ كىرە مە، جوق پا، ىشكى تۇيسىك ارقىلى ول ۇرپاعىنا دەنساۋلىق سىيلاۋعا قابىلەتتى ايەلدەردى تاڭداۋعا كوشەدى، دەپ جازادى شەتەلدىك ب ا ق.