08:34, 21 - قاراشا 2014 | GMT +5
كۇيەۋىنە كومەكتەسپەك بولىپ، ابايسىزدا ءولتىرىپ الدى
استانا. قازاقپارات - تومسك وبلىسىندا كۇيەۋىنە كومەكتەسپەك بولىپ، ابايسىزدا ءولتىرىپ العان ايەلگە قاتىستى سوت ءىسى قارالدى.
ەر ادام ەسىنەن تانىپ قالعاندا ايەلى ونىڭ جۇرەگىنە ماسساج جاساماق بولادى، الايدا قاتتى ۋقالاۋدىڭ اسەرىنەن ول جان تاپسىرادى.
«كۇيەۋىنە كومەكتەسپەك بولعان ايەل ونىڭ جۇرەگىن كەم دەگەندە 20 رەت قاتتى ۋقالاپ، كوكىرەك قۋىسى مەن ءىشىن قاتتى باسقان»، - دەپ مالىمدەدى قالالىق سوت زالىنان. سونداي- اق ايەلدىڭ وقيعا كەزىندە ماس بولعانى دا انىقتالدى.
ال ەر ادام بولسا ءبىراز ۋاقىت وتكەندە ءىش قۇرىلىسىنان قان كەتىپ، كوپ قان جوعالتۋ سالدارىنان كوز جۇمعان. ەندى ايەل ابايسىزدا كىسى ولتىرگەنى ءۇشىن 2 جىل كولونيادا جازاسىن وتەيتىن بولادى، دەپ جازادى شەتەلدىك ب ا ق.
