جەمقورلىقپەن كۇرەستى اركىم وزىنەن باستاۋى كەرەك - د. نازاربايەۆا

قاراعاندى. قازاقپارات - ەگەر قوعام سىبايلاس جەمقورلىققا توزىمدىلىك تانىتا بەرەتىن بولسا، ونىمەن كۇرەسۋگە ۇندەگەن بارلىق ءىس- شارالار ءوز ماعىناسىن جوعالتادى، دەدى «نۇر وتان» پارتياسى ساياسي كەڭەسىنىڭ مۇشەسى، ق ر پارلامەنتى ءماجىلىسى ءتوراعاسىنىڭ ورىنباسارى، «نۇر وتان» پارتياسى فراكسياسىنىڭ جەتەكشىسى داريعا نازاربايەۆا.

«قازىرگى ۋاقىتتا جەمقورلىقپەن كۇرەس» - ءسوزىن بارلىق مەديا رەسۋرستاردان ءجيى ەستيمىز. باسىلىم بەتتەرىندە، كونفەرەنسيالاردا دوڭگەلەك ۇستەل جانە جينالىستاردا ەڭ كوپ تالقىلايتىن ماسەلەگە اينالدى. وسىدان كەيىن، كەيدە ءبىز وسى نەمەن كۇرەسىپ جاتىرمىز دەپ ويلايسىڭ. ونىمەن كۇرەسۋ كەرەك ەكەنىن ءبارىمىز تۇسىنەمىز، بىلەمىز، ءبىراق ول ءبىر «ەلەس» سەكىلدى. سوندىقتان، مەنىڭشە، جەمقورلىقپەن كۇرەستى اركىم وزىنەن باستاۋى كەرەك» ، - دەدى داريعا نازاربايەۆا «نۇر وتان» پارتياسى قاراعاندى وبلىستىق فيليالىنىڭ ХХ ەسەپتى- سايلاۋ كونفەرەنتسياسىندا.

 «بۇل ءبىزدىڭ ومىرىمىزگە ەنىپ كەتتى. ءبىز بۇل ماسەلەگە ءالى دە «شىدامدىلىق» تانىتىپ، وعان سالعىرتتىقپەن قارايمىز، قاندايدا پروبلەما شىققانىن قالامايمىز»، - دەدى ءماجىلىستىڭ ۆيسە- سپيكەرى.

ونىڭ پىكىرىنشە، جەمقورلىققا قارسى تۇرۋدى بالا كەزدەن ۇيرەتۋ كەرەك.

«مۇنىڭ ءبارىن بالالارىمىز دا كورىپ ءوسىپ كەلەدى. ءبىز جەمقورلىقپەن كۇرەسۋگە قانشا شاقىرساق تا، ەگەر ولار ونى كورىپ وسسە، بۇل ۇندەۋلەردىڭ ماعىناسى جوق. شىن مانىسىندە، وتە ۇلكەن ماڭىزدى جۇمىس - رۋحاني- ادامگەرشىلىك تاربيەسى، ول بۇكىل مەكتەپ باعدارلاماسىندا، ءتىپتى بالالار باقشاسىنان باستاپ قالىپتاسۋى كەرەك. ءار ادام زاڭمەن ءومىر ءسۇرىپ، بۇل ماسەلەگە قاتىستى ءوز كوزقاراسىن وزگەرتۋى قاجەت، قالىپتاسقان «تۇسىنىكپەن» ءومىر سۇرە بەرمەي»، - دەدى د. نازاربايەۆا.

 جەمقورلىقپەن كۇرەس تۋرالى جاڭا باعدارلامانى ۆيسە- سپيكەر «ماڭىزدى ءارى، تۇزىلگەن قۇجات» دەپ باعالادى. «قازىر ءبىز پارتيانىڭ ورتالىق اپپارتىمەن بىرلەسىپ، اتالعان باعدارلامانى جۇزەگە اسىرۋ ءۇشىن باعىتتالعان زاڭ جوباسىنا قاتىستى جۇمىس جۇرگىزىپ جاتىرمىز»، دەپ حابارلادى «نۇر وتان» فراكسياسىنىڭ جەتەكشىسى.