ءا. جاقسىبەكوۆ گەننادي گولوۆكينگە كەزەكتى جەكپە-جەگىن استانادا وتكىزۋدى ۇسىندى
كەزدەسۋ دوستىق اتموسفەرادا ءوتتى. ادىلبەك جاقسىبەكوۆ بوكسشىعا تابىس تىلەپ، ونىڭ ەلىمىزدە سپورتتى دارىپتەۋگە قوسقان ۇلەسىن ەرەكشە اتاپ ءوتتى.
ەلوردا باسشىسى گەننادي گولوۆكيننىڭ جەڭىستەرىمەن حالىقارالىق ارەنادا رەسپۋبليكامىزدىڭ جانە استانامىزدىڭ ءيميدجىن شەتەلدەردە نىعايتىپ جۇرگەنىن، سونداي-اق، وسكەلەڭ ۇرپاققا ۇلگى بولىپ تابىلاتىنىن ايتتى.
«ءبىز استانا قالاسىندا كەلەسى جىلى جەكپە-جەك وتكىزۋدى تالقىلادىق. بۇل باستاما قولداۋ تاباتىنىنا سەنەمىن، بارلىق قالا تۇرعىندارى ءۇشىن بۇل ۇلكەن سىي بولادى. كەزەكتى رەت ەلورداعا كەلىپ، قالانىڭ قارقىندى دامۋىنا كۋاگەر بولۋ وتە قۋانىشتى ءسات»، - دەدى گەننادي گولوۆكين.
كەزدەسۋ بارىسىندا استانا اكىمى سپورتشىنى فۋتبولدان 22 - قاراشادا «استانا ارەنا» ستاديونىندا وتەتىن بيىلعى قازاقستان رەسپبۋليكاسى كۋبوگىنىڭ اقتىق جارىسىن كورۋگە شاقىردى.
گەننادي گولوۆكين - 2003 - جىلعى الەم چەمپيونى، جانە 2004 - جىلعى وليمپيادا ويىندارىنىڭ كۇمىس جۇلدەگەرى. WBA نۇسقاسى بويىنشا الەمنىڭ سۋپەرچەمپيونى. كاسىپقوي بوكستا 31 كەزدەسۋ وتكىزىپ، بارلىعىندا جەڭىسكە جەتكەن، سونىڭ ىشىندە 28 ىن نوكاۋتپەن اياقتادى. سپورتشى الەمدىك دەڭگەيدە تاماشا بوكس كورسەتىپ، تورتكۇل دۇنيەدەگى جانكۇيەرلەرىن قۋانتىپ ءجۇر. الەمنىڭ جەتەكشى ب ا ق-تارى، گولوۆكيندى ءوز سالماعىندا پلانەتامىزدىڭ ەڭ مىقتى بوكسشىسى دەپ سانايدى.
سپورتتىق جەتىستىكتەرىنەن باسقا گ. گولوۆكين «قۇرمەت» جانە «پاراسات» وردەندەرىمەن، سونداي-اق، «ەرەن ەڭبەگى ءۇشىن» مەدالىمەن ماراپاتتالعان.
گولوۆكين سوڭعى كەزدەسۋىن 2014 - جىلعى 18 - قاراشادا مەكسيكالىق ماركو انتونيو رۋبيومەن وتكىزگەن. وتانداسىمىز 2- راۋندتا قارسىلاسىن نوكاۋتقا جىبەرىپ، جەڭىسكە جەتكەن بولاتىن.
گولوۆكيننىڭ كەلەسى جەكپە-جەگى 2015 - جىلعى 21 - اقپاندا وتەدى. سپورتشى مارتين ميۋررەيمەن ( ۇلى بريتانيا) كۇش سىناسادى.
