ايەلدەردىڭ دە اسكەرگە باراتىنىن مىندەتتەيتىن زاڭ شىقتى
نورۆەگيا بەيبىت ۋاقىتتا وسىنداي جاڭالىقتى ەنگىزگەن ناتو-نىڭ ءبىرىنشى مۇشە مەملەكەتى. بۇل ەر مەن ايەلدىڭ تەڭدىگى ءپرينتسيپىن ساقتاۋ ءۇشىن جاسالعان قادام.
نورۆەگيالىق ساياساتكەرلەردىڭ پىكىرىنشە، قۇقىقتار مەن مىندەتتەر بارلىعى ءۇشىن بىردەي بولۋى ءتيىس. ال اسكەر ايەل نە ەر ادام ەكەنىنە قاراماستان ۇزدىك رەسۋرستارعا قول جەتكىزە الۋى كەرەك.
بۇدان بىلاي 1997-جىلى جانە ودان كەيىن دۇنيەگە كەلگەن قىزدار 19 جاسقا تولعاندا نورۆەگيانىڭ قارۋلى كۇشتەرى قاتارىندا قىزمەت ەتۋگە مىندەتتى.
وسى ۋاقىتقا دەيىن نورۆەگيالىق قارۋلى كۇشتەرى قاتارىنا اسكەري قىزمەتكە ايەلدەر ءوز قالاۋىمەن قابىلدانىپ كەلگەن.
ەلدىڭ ساياساتكەرلەرى نورۆەگيالىق اسكەردىڭ «گەندەرلىك قاتىناستا بەيتاراپ» بولۋى ءتيىس دەپ سانايدى. بۇل جاڭالىق بارلىعىنا بىردەي ۇناعان جوق، ونىڭ قارسىلاستارى فيزيكالىق تەڭسىزدىكتى وزگەرتۋ مۇمكىن ەمەس دەپ سانايدى.
ايەلدەر نورۆەگيانىڭ قارۋلى كۇشتەرىنىڭ بارلىق تۇرلەرىندە قىزمەت ەتەدى.
ايەل ادامدار 2016-جىلدىڭ ورتاسىنا دەيىن اسكەرگە مىندەتتى تۇردە شاقىرىلاتىن بولادى، اسكەر قاتارىنا 44 جاسقا دەيىنگى ايەلدەر الىنادى.
نورۆەگياداعى نازىك جاندىلار 1976-جىلدان باستاپ اسكەري قىزمەتكە ءوز ەركىمەن اتسالىسىپ كەلگەن.
