كۇدىكتىنى ىزدەپ جاتىر

استانا. قازاقپارات - ا ق ش پوليتسياسى مەترو ماڭىندا قىلمىستىق ارەكەت جاساعان ءبىر قارا ءناسىلدى جىگىتتى ىزدەستىرىپ جاتىر.

ول ءوزىنىڭ ارتىنشا دۇكەننەن ايەلىمەن بىرگە شىققان ەر جىگىتتى زۋلاپ كەلە جاتقان مەترو پويىزىنىڭ جولىنا تومەن قاراي يتەرىپ جىبەرگەن.

ءسويتىپ، ۇستاتپاي قاشىپ كەتكەن. ءبىراق...

قىلمىسكەردىڭ بەت-بەينەسى مەن سىرتقى كەلبەتى، ءجۇرىس-تۇرىسى بەينەكامەراعا ءتۇسىپ قالعان. ال قۇلاپ تۇسكەن ەر ادامدى پويىز جانشىپ وتە شىققان. امان قالعان ايەلدىڭ اڭگىمەسىنە قاراعاندا، ولار ا ق ش-تىڭ قىتايلار كوپ تۇراتىن چاينا تاۋن كافەسىنە بارىپ، تاماق ىشكەن. وقيعا سىرتقا شىققاننان كەيىن ورىن العان. قىلمىسكەردى ايەل تانىمايدى. بەيتانىس ادام ۇندەمەي كەلىپ، يتەرىپ جىبەرگەن، وقىس وقيعادان ەس جيىپ ۇلگەرمەگەن ايەل ونىڭ بەت-بەينەسىن اجىراتا الماي وتىر.

قىلمىسكەر بىردەن تۇرا قاشقان. قازىر بەينەكامەراعا ءتۇسىپ قالعان قارا ءناسىلدى قىلمىسكەر ىزدەستىرىلۋدە. جالپى، ا ق ش-تا مەترو ماڭىندا دۇنيە سالۋ وقيعاسى كەيىنگى ۋاقىتتا ءجيى كەزدەسىپ وتىر. 2012 - جىلدان بەرى مەتروعا كەلىپ، ءوزىن-ءوزى ولىمگە قياتىن ادامدار كوبەيىپ كەتكەن. سوڭعى دەرەككە كوز جۇگىرتەر بولساق، مەترودا ەلۋدەن استام ادام ءارتۇرلى جاعدايدا قايتىس بولعان كورىنەدى.

«ايقىن»