دزيۋدو: رۋسلان ءابدىرازاقوۆ - قازاقستان چەمپيونى

قىزىلوردا. قازاقپارات - شىمكەنت قالاسىندا دزيۋدودان ەرەسەكتەر اراسىندا (ەرلەر جانە ايەلدەر) قازاقستان رەسپۋبليكاسىنىڭ چەمپيوناتى ءوتتى.

بايراقتى باسەكەگە استانا، الماتى قالالارى مەن رەسپۋبليكامىزدىڭ بارلىق وبلىستارىنان 500 گە جۋىق تاتامي شەبەرلەرى قاتىستى.

بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتى حابارلادى.

كەزدەسۋلەر ەرلەر جانە ايەلدەر اراسىندا 16 سالماق دارەجەسىندە ءوتتى.

اتالمىش جارىس كەلەسى جىلى استانا قالاسىندا بولاتىن الەم چەمپيوناتىنا قاتىساتىن سپورتشىلاردى ىرىكتەۋ ماقساتىندا ۇيىمداستىرىلدى.

چەمپيونات قورىتىندىسىندا 100 كەلىدەن جوعارى سالماقتا سىنعا تۇسكەن رۋسلان ءابدىرازاقوۆ قازاقستان چەمپيونى اتاندى. 100 كەلىدە ءادىلحان قوزىبايەۆ پەن 70 كەلىدە دينارا قوداروۆا كۇمىس جۇلدەنى يەلەنسە، 63 كەلىدە ءمولدىر بولاتبەكوۆا مەن +78 كەلىدە قىمبات تۇرشابەك قولا جۇلدەگە قول جەتكىزدى.

ەندى سپورتشىلار جەلتوقسان ايىندا قىرعىزستانعا وقۋ-جاتتىعۋ جيىنىنا بارادى. ودان كەيىن كەلەسى جىلى اقپان ايىندا گرۋزيادا بولاتىن الەم كۋبوگىندا باق سىنايتىن بولادى.

وبلىستىق جوعارى سپورت شەبەرلىگى مەكتەبىندە جانە №1 وبلىستىق مامانداندىرىلعان بالالار مەن جاسوسپىرىمدەردىڭ وليمپيادالىق رەزەرۆى مەكتەبىندە جاتتىعاتىن سپورتشىلاردى جارىسقا يشانبەك جۇمابايەۆ، جاناربەك سانسىزبايەۆ، قايرات تولەنوۆ جانە جانار دۇيسەكەنوۆالار دايىندادى.

اۆتور: ەلۋباي اۋەزوۆ