استانانى الەمنىڭ ۇزدىك قالالارىنىڭ بىرىنە اينالدىرۋ قاجەت - ك. ءماسىموۆ
«جالپى، الەمدە قالالاردىڭ دامۋ ماسەلەسى قازىرگى ۋاقىتتا باستى نازاردا بولىپ تۇر. تاياۋدا مىناداي ءبىر پىكىردى وقىدىم. 19 - عاسىر بۇل يمپەريا عاسىرى بولدى. ول كەزەڭدە يمپەريا بۇكىل عالامشاردىڭ دامۋ بولاشاعىن ايقىندادى. 20 - عاسىر - بۇل ۇلتتىق مەملەكەت عاسىرى. ول ۋاقىتتا ۇلتتىق مەملەكەتتىڭ دامۋى ماڭىزدى ەدى. ال 21 - عاسىر - بۇل قالالار ءداۋىرى»، - دەدى ۇكىمەت باسشىسى.
ق ر پرەمەر- ءمينيسترىنىڭ اتاپ وتۋىنشە، قازىرگى ۋاقىتتا الەم قالالارى ءبىر- بىرىمەن تارتىسقا تۇسۋدە. ولار ءبىر- بىرىمەن كاپيتال، حالىق تارتۋدا باسەكەلەس بولىپ وتىر.
«ءبىزدىڭ مەملەكەت باسشىمىز وتە قيىن كەزەڭدە وڭتۇستىك قالا الماتىدان ەلوردانى ەلىمىزدىڭ ورتالىعى استانا قالاسىنا كوشىرۋ تۋرالى شەشىم قابىلدادى. بۇل قالانىڭ العاشقى مەرى قىزمەتىنە ادىلبەك جاقسىبەكوۆ تاعايىندالعان بولاتىن. تاياۋدا عانا ەلباسى ونى تاعى دا وسى قالانىڭ اكىمى قىزمەتىنە تاعايىنداۋ تۋرالى شەشىم قابىلدادى» ، - دەدى ك. ءماسىموۆ.
سونىمەن قاتار ول ءوز سوزىندە قازىرگى ۋاقىتتا استانانىڭ ءوز دامۋىنداعى كەلەسى ماڭىزدى قادامعا ىلگەرىلەۋىنە بىرەگەي مۇمكىندىگى تۋىپ وتىرعانىن باسا ايتتى.
اۆتور: مارلان جيەمباي
