پەتر پوروشەنكو: ۋكراينا سوعىستان قورىقپايدى، ءبىراق قالامايدى

استانا. قازاقپارات - ۋكراينا پرەزيدەنتى پەتر پوروشەنكو ەلدىڭ شىعىسىنداعى دونەسك قالاسىنىڭ ماڭىندا ۇكىمەت كۇشتەرى مەن رەسەيشىل سەپاراتيستەر سوعىسىپ جاتقان ايماقتا ۋكراينا «جاپپاي سوعىسۋعا دايىن ەكەنىن» مالىمدەدى.

نەمىستىڭ Bild باسىلىمىندا قاراشانىڭ 17- كۇنى جاريالانعان سۇحباتىندا پوروشەنكو «مەن رەسەي اسكەرىمەن سوعىسۋدان قورىقپايمىن. ءبىز جاپپاي سوعىس جۇرگىزەتىندەي جاعداي تۋا قالسا، وعان دايىنبىز. ءبىز سوعىستى قالامايمىز، ءبىز بەيبىتشىلىكتى، ەۋروپالىق قۇندىلىقتار ءۇشىن كۇرەسۋدى قالايمىز. ءبىراق، رەسەي ەشقانداي كەلىسىمدى قۇرمەتتەمەيدى» دەگەن.

ۋكراينادا ءساۋىر ايىندا باستالعان قاقتىعىستاردان وسى كۇنگە دەيىن 4 مىڭنان اسا ادام مەرت بولدى. 5- قىركۇيەكتە مينسكىدە دونباسستاعى قاقتىعىستاردى توقتاتۋ تۋرالى كەلىسىم جاسالعان. ءبىراق سوڭعى اپتالاردا كيەۆ سەپاراتيستەردى «كەلىسىمدى بۇزدى» دەپ ايىپتادى.

پوروشەنكو ۋكراين ارمياسى ءساۋىر ايىنداعى دەڭگەيىنەن ءبىرشاما جاقسارعانىن جانە ۋكراينانىڭ «بۇكىل الەمنىڭ قولداۋىنا يە» ەكەنىن ايتتى.

«ازاتتىق»