قازاق ونەرىنىڭ ساڭلاقتارى: سەيدوللا بايتەرەكوۆ
استانا. قازاقپارات - شىمكەنت مۋزىكالىق ۋچيليشەسىن، قۇرمانعازى اتىنداعى مەملەكەتتىك كونسەرۆاتورياسىن ءبىتىردى. 1977 - 1992- جىلدارى س. بايتەرەكوۆ الماتى مەملەكەتتىك كونسەرۆاتورياسىنىڭ ۇستازى، «قازاقكونتسەرت» بىرلەستىگىنىڭ كوركەمدىك جەتەكشىسى، باس ديريجەرى، الماتى قالالىق مۋزىكالىق انسامبلدەر بىرلەستىگىنىڭ ديرەكتورى كوركەمدىك جەتەكشىسى بولىپ قىزمەت اتقاردى.
1990-جىلدان ءومىرىنىڭ سوڭعى كۇنىنە دەيىن «ساز» دىبىستىق جازبا مەملەكەتتىك ستۋدياسىنىڭ ديرەكتورى بولىپ قىزمەت اتقاردى. س. بايتەرەكوۆ كينوفيلمدەرگە، درامالىق قويىلىمدارعا مۋزىكا جازدى. ونىڭ سيمفونيالىق وركەسترگە، حورعا جازعان تۋىندىلارى قازاقستان كومپوزيتورلارىنىڭ ۇزدىك شىعارمالارىنىڭ قاتارىنان بەرىك ورىن الدى. ونىڭ « ءاليا»، «كۇنگە تابىنۋ»، «دوس تۋرالى جىر»، «تۇركىستان» اندەرى مۋزىكا سۇيەر قاۋىمنىڭ رۋحاني ازىعىنا اينالدى.
