مۇسىلمان ايەل - پرەزيدەنتتىككە ۇمىتكەر

استانا. قازاقپارات - تۋنيس مەملەكەتىنىڭ تاريحىندا تۇڭعىش رەت پرەزيدەنت سايلاۋىنا مۇسىلمان ايەلى ءوزىن ۇمىتكەر رەتىندە ۇسىندى، - دەپ حابارلايدى muslim.kz.

كاننۋ كالسۋم ەسىمدى مۇسىلمان ايەلى تۋنيس سوت جۇيەسىنىڭ جوعارعى ورگانى بولىپ سانالاتىن كاسساتسيالىق سوتتا قىزمەت اتقارادى. ەگەر كاننۋدىڭ باعى جانىپ، پرەزيدەنت سايلاۋىندا جەڭىسكە جەتەتىن بولسا، ول تەك تۋنيستەگى عانا ەمەس، بۇكىل الەمدەگى تۇڭعىش مۇسىلمان پرەزيدەنتى اتانادى.

قازىرگى ۋاقىتتا كاننۋ سايلاۋ الدى جۇمىستارىن جەمىستى جۇرگىزىپ جاتىر. 15000 قولداۋشىسى دا دايىن. ايتا كەتەيىك، تۋنيس پرەزيدەنتتىگىنە كاننۋمەن بىرگە 24 جان ءوز ۇمىتكەرلىگىن ۇسىنعان.

كاننۋ 1959-جىلى كاركن ارالىندا دۇنيەگە كەلگەن. ونىڭ اكەسى مابرۋك كاننۋ ەلى فرانسۋز باسقىنشىلارىنان ازات ەتۋدە ايانباي قىزمەت جاساعان بەلسەندىلەردىڭ ءبىرى بولعان ەكەن.