احمەتجان ەسىموۆ الماتى وبلىسىنىڭ اكىمىنە العىس حات جولدادى

استانا. قازاقپارات - الماتى قالاسىنىڭ اكىمى احمەتجان ەسىموۆ الماتى وبلىسىنىڭ اكىمى اماندىق باتالوۆقا الماتى قالاسىنىڭ ماڭىندا ازىق-تۇلىك ءوندىرىسىن دامىتۋعا جانە اۋىل شارۋاشىلىق جارمەڭكەسىنىڭ جوعارى دەڭگەيدە وتۋىنە اتسالىسقانى ءۇشىن العىس حات جولدادى، دەپ حابارلايدى وبلىس اكىمدىگىنىڭ باسپا ءسوز قىزمەتىنەن.

«قۇرمەتتى اماندىق عابباس ۇلى! سىزگە الماتى قالاسىندا اۋىل شارۋاشىلىق جارمەڭكەلەرىن جوعارى دەڭگەيدە ۇيىمداستىرۋعا جانە وتكىزۋگە بەلسەنە قولداۋ كورسەتكەنىڭىز ءۇشىن شىنايى العىسىمدى بىلدىرەمىن. سىزگە جانە ءسىز ارقىلى الماتى وبلىسىنىڭ شارۋا قوجالىقتارى مەن كاسىپكەرلەرىنىڭ ەڭبەكتەرىنە تابىس تىلەيمىن. وسىنداي يگى ىستەرگە ءسىز الداعى ۋاقىتتا دا ءوز ۇلەسىڭىزدى قوسىپ، ارىپتەستىك قارىم-قاتىناستاردى نىعايتۋعا، جەمىستى ىنتىماقتاستىققا جانە الماتى قالاسىنىڭ ماڭىندا ازىق-تۇلىك بەلدەۋىنىڭ دامۋىنا ءارى قاراي قولداۋ كورسەتە بەرەدى دەپ سەنەمىن. اماندىق عابباس ۇلى، سىزگە مىقتى دەنساۋلىق، جەمىستى ەڭبەك جانە جانۇياڭىزعا باق-بەرەكە تىلەيمىن»، دەلىنگەن الماتى قالاسىنىڭ اكىمىنىڭ العىس حاتىندا.